Ruka 13:28 - Te B'aib'ara

²⁸ Ane kam na tang ao kam na tenai riami ikekei ni kaota ae kam un, ngkana kam nora Aberaam, Itaaka, Iakob'a ma burabeti ni kabaneia n uean te Atua, ao ngkami kam teweaki nako tinaniku.

Ruka 13:28 ပူးပေါင်းရင်းမြစ်များ

Taian Areru 112:10

A nora aio akana buakaka ao a un iai mani kangkantii bukini m'angaia: ao a bua naba nanoia; E aki koro bukin aia kaantaningaia.

Mataio 13:42

ao ane a na teweia nako nakoni nnen te ai, ike a na tang ao a na tenai riaia iai b'a kaotan ae a rotaki n te maraki ae korakora.

Mataio 13:50

ao a na teweia nako ni nnen te ai, ike a na tang ao a tenai riaia iai b'a kaotan ae a rotaki n te maraki ae korakora.

Mataio 22:13

E taku te uea ngkanne nakoia tooro, Kabae baina ma waena ao tewea nako nanon te roo are i ao, are te tabo ike a na tang iai aomata n tenai riaia b'a kaotan ae a rotaki n te maraki ae korakora.

Mataio 24:51

ao e na kataerea ni karawawataa, ao e na kaki i rarikiia taani m'am'ana-te-aba, n te tabo ike a na tang iai aomata ma n tenai riaia b'a kaotan ae a rotaki n te maraki ae korakora.

Mataio 25:30

Ao kam na tewea nako te toro ae akea manenana aei nako nanon te roo are i moone, are te tabo ike a na tanginiwenei iai aomata ao a na tenai riaia b'a kaotan ae a rotaki n te maraki ae korakora.”

Ruka 10:15

Ao ngkoe, Kaberenaum, ko taku b'a ko na karineaki nako karawa? Ko na aki, ko na karinanoaki nako Eriti.

Ruka 14:15

Ngke e ongo taeka aikai temanna i buakoia aomata ake a rarikiriki n am'arake ma Iesu, ao e taku nako Ina, “E a kab'aia te aomata are na am'arake n uean te Atua!”

Ruka 16:23

ao ni menana i Eriti, ngke e taonaki n te maraki ae korakora, ao e tararake; ao e nora Aberaam b'a e mena i kiraroa ma Rataro i rarikina.

2.I-Tetaronike 1:5

E a kaotaki ni baikai b'a e eti ana moti te Atua b'a kam aonga n atongaki b'a kam tau n anganaki Uean te Atua, are kam b'ainikirinaki i bukina.

2.Betero 1:11

N te aro aei, ao kam na anganaki ni kabatiaki te kona n rin n uean ara Uea ao ara Tia Kamaiu are Iesu Kristo, are ueana are aki toki.

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”

Te Kaotioti 22:15

Taani mena i tinanikun te nono bon te koraki aika baba n tangira te kammaira ma te wene ni bure; ao raoia bon taan tabunea, ma taani kamateia aomata, ma taan taromauri bouananti, ma akana tatangira taekinan te kewe ma karaoana naba.