Ruka 13:21 - Te B'aib'ara

²¹ Ai aron te iiti are e anaia te aine ao e renganna ma te buraawa ae tao nimabwi te b'auna rawawatana, ao e kabanea ni karikirakea te buraawa.”

Ruka 13:21 ပူးပေါင်းရင်းမြစ်များ

Iobi 17:9

E na bon aki toki waen te aomata ae raoiroi, ao e a rikirake ni korakora ma ni korakora ane e itiaki baina.

Taeka n Rabakau 4:18

Katein maiuia aomata aika a raoiroi kaanga ai aron ootan taai n te kaarangaina are e tabe n rikirake ootana ni karokoa e a boni ngaina raoi.

Otea 6:3

Ti na karaoa ara kabanea n tamaroa n ukoukora ataakin te UEA. E a bon roko kaanga taai n te ingabong; E na manga kamaiu nanora kaanga te karau ngkana e kabooua te aonnaba i nanon tain tokin te kam'aitoro.

Mataio 13:33

E a manga tuangiia te rongorongo ni kabotau teuana, ao E kangai, “Uean te Atua ai aron te iti, are e anaia te aine ao e renganna ma te buraawa ae abwi rawawatana, ao e kabanea ni karikirakea te buraawa.”

Ruka 13:20

Ao E a manga taku riki, “Tera ae N na kabotaua iai Uean te Atua ma ngaia?

Ioane 15:2

Te m'aanga ae nim ma Ngai ae e aki uaa, ao E kanakoa; ao te m'aanga ae uaa, E kaitiakia, b'a e aonga ni kariki uaana aika m'aiti.

Ioane 4:14

ma ane moi n te ran ae N na anganna, ao e na bon aki manga taka. B'a te ran ae N na anganna, e na riki b'a te m'anib'a n ran i nanona are na koburake ao e na anganna te maiu are aki toki.”

1.I-Korinto 5:6

E aki raoiroi b'a kam na kamoamoa. Kam aki ata te iiti ae ti teutana b'a e kona ni karikirakea te buraawa are na karikaki?

I-Biribi 1:6

ao I koaua raoi n aei, b'a Teuare moana te m'akuri ae e raoiroi i nanomi, E na boni wakina karaoana ni karokoa ae e tia n ana bong Kristo Iesu.

Iakobo 1:21

Ma ngaia ae kam na kaaki aromi aika kam'ara ma kateimi ni kabane aika bubuaka, ao kam na kaaki i nanomi ma te nimamannei te taeka are unikaki are kona te kamaiungkami.