Ruka 12:7 - Te B'aib'ara

⁷ Ao ae e moamoa riki, a ataaki m'aitin iran atuumi. Kam na aki maaku; kam bongana riki nakoia tib'aaro aika bati.

Ruka 12:7 ပူးပေါင်းရင်းမြစ်များ

2.Tamuera 14:11

Ao e kaeka neirei ni kaangai, “I tuea n aran te UEA ae Atuam b'a bon akea temanna ae e na kariaiakaki n tiringa natiu!” Ao e kaeka ni kaangai, “I tuea n aran te UEA ae E maiu b'a bon akea temanna ae e na konaa n riinga irana naba teaina!”

Iobi 35:11

A aki rairaki nakon te Atua, ae karaoira b'a ti na wanawana riki nako ia manin aonteaba, ma mannikiba aika wanawana.

Taian Areru 8:6

Ko rineia b'a a na tautaekan am B'ai ni kabane aika Ko a tia ni karaoi. Ko katokaia i aon am Karikib'ai nako:

Mataio 12:12

E rangi ni kakawaki riki te aomata nakon te tiibu! Ma ngaia ae e riai n taekan te tua b'a e na karaoaki ae raoiroi n te Taabati.”

Mataio 6:26

Kam na tarai mannikiba, ngkai a aki ununiki, ao a aki boboti uaa ngkana a tai, ao a aki uraki nakoni nnen am'arake; ma E kakaam'arakeia Tamami are i karawa. Tiaki kam kakawaki riki nako ia?

Ruka 21:18

Ma akea iran atuumi teaina ae na bua mai atuumi.

M'akuri 27:34

Ma ngaia ae I butingkami b'a kam na am'arake, b'a ngaia maiumi; b'a bon akea temanna i buakomi ae e na bua maiuna.”

1.Tamuera 14:45

Ao a takaarua tautia ni kaangai, “E na aki mate. E a tia te Atua ni buoka Ionatan n tokanikai n te buaka i bukira. Ti bon aki kukurei b'a ko na tiringnga. Ti tuea nakon te Atua b'a ti aki kariaia b'a ko na tiringnga ke ni katoka baim i aona!” Ma ngaia are, a kaawakina Ionatan te taanga n tautia b'a e na aki tiringaki iroun Tauro.