Ruka 12:58 - Te B'aib'ara

⁵⁸ Ngkana ko nako ma te aomata are bukiniko nakon te tia moti, ao ko na kataa ae ko kona ni karekea te raoi i marenam ma ngaia i aon te kawai, b'a e kawa ni katikiko nakon te tia moti, ao te tia moti e na anga ngkoe nakon te bureitiman, ao te bureitiman e na kaakiko i nanon te karabuuti.

Ruka 12:58 ပူးပေါင်းရင်းမြစ်များ

Iobi 22:21

Iobi, Ko riai ngkai n ioki ma te Atua, ma ni katoki arom nako Ina aika ai aron ana m'akuri te kairiribai; b'a ngkana ko karaoa aei, ao E na kakab'aiako.

Iobi 23:7

Ngkana e roko te tai arei, ao E na bon ongora ni ngurengureu ngkai bon te aomata ngai ae I b'ab'aina te eti; ao au tia motikitaeka ae te Atua, E na anganai te inaomata ae akea tokina, ao E na katanoataai b'a te aomata ngai ae akea ana bure.

Taian Areru 32:6

Ma ngaia ae a riai akana tangiriko n tataro nakoim n taai ake a kai nanoia iai; Ao ngkana a roko kaangaanga b'a kanga ai aron rokon te ieka, Ao a na bon aki rotaki iai.

Taian Areru 50:22

Ngkami akana kam m'am'anuoka taekau, Kam na ongora n aio b'a I kaawa n raebitingkami, ao akea ae na kamaiungkami:

Itaia 55:6

Rairaki nakon te UEA! E boni konaa naba n reke. Weewetea te Atua! E kaan.

Mataio 18:30

Ma e rawa; ao e nako ni kaki teuarei n te karabuuti b'a e na tiku iai ni karokoa e bane ni kab'ara ana tarau.

2.I-Korinto 6:2

b'a E kangai te Atua, “I ongo i roum n te tai ae riai, Ao I buokiko n te bongi ni kamaiu.” Noria, ngkai te tai ae riai; noria, ngkai te bongi ni kamaiu.

1.Betero 3:19

are E nako n arona aei ni kab'arab'ara nakoia tamnei ake n te karabuuti.

2.Betero 1:15

Ao N na kataa au kabanea ni kona ni karekea te anga are kam na kona iai n ururing baikai n taai nako i mwini mateu.

Iuta 1:3

Ngkami aika kam tangiraki, ngke e korakora nanou ni kani koroboki nako imi n taekina te maiu ae bon ara b'ai ma ngkami, ao I taku b'a e bon riai b'a N na koroboki nako imi ni butingkami b'a kam na kakorakoraingkami i bukin te onimaki are a anganaki ake a itiaki n te tai ae ti teuana ao akea riki.

Te Kaotioti 20:7

Ao ngkana a koro ririki ake tengaa, ao e na kab'araki Tatan man te tabo are e kainaki iai,