Ruka 12:48 - Te B'aib'ara

⁴⁸ Ma ane aki ataia, ao e karaoa ae e na oreaki iai, e na oreaki ni karaurau. Ane anganaki baika bati, ao e kantaningaaki rekeni baika bati mai rouna; ao ane mwiokoaki ni baika bati irouia aomata, ao a na kabatiai riki baika a na kaauakin mai rouna.

Ruka 12:48 ပူးပေါင်းရင်းမြစ်များ

Nakoaia Ibonga 5:17

Ngkana iai ae e bure n tiaki nanona b'a e urui ana Tua te UEA, ao e bure iai ao e na riai ni kab'aka tuaana.

Warekaia Iteraera 15:27

Ma ngkana iai temanna i buakomi ae karaoa te bure n tiaki nanona, ao e na kareana te kooti aine ae teuana ana ririki ni maiu b'a te karea ni kab'arabure.

Mataio 13:12

B'a ane iai i rouna te atatai ni baika raba aika b'ain Uean te Atua, ao e na anganaki riki, ao e na reke i rouna ni bati; ma ane akea i rouna ao e na anaki mai rouna are iai, e aoria ngkana e rangi n uarereke.”

Mataio 23:14

A na reke kaimi, taani koroboki ma B'aritaio, aika taani m'am'ana-te-aba! B'a kam kurib'ai aia auti aine, ao kam kaananau ami tataro b'a kam aonga n taraaki iai; ma ngaia ae kam na anganaki tuaami ae korakora riki.

Ruka 12:41

E taku Betero, “Te Uea, Ko taekina te rongorongo ni kabotau aei i bukira, ke i bukiia aomata ni kabaneia?”

Ruka 12:49

I roko b'a N kabuoka te aonnaba, ao tera ngke arona b'a e a kaman tia n ura aina!

Ruka 16:2

Ao e weteia ao e taku nako ina, “Tera taekam aei, ae I ongo? Kaoti nako iu mwin am m'akuri ni manatia, b'a ko na aki manga manatia.”

Ioane 15:22

Ngke tao I aki roko n taetae nakoia, ao a na akea i rouia namakinani mwin aia bure; ma ngkai, ai bon akea aonaia i bukin aia bure.

M'akuri 17:30

Ma ngaia ae E aki bairei taekaia aomata te Atua i nanon tain te babanga arei; ma E tuangiia aomata ngkai ni kabaneia n taabo nako b'a a na rairi nanoia,

1.Timoteo 1:11

are nako man te euangkerio ae mimitong are I mwiokoaki iai b'a N na taekinna, are te euangkerio mairoun te Atua ae riai ni karaoiroaki.

1.Timoteo 1:13

Bon te tia taetaebuaka ngai ngkoa, te tia b'ainikirina te aba, ao te tia iowawa; ma I nanoangaki, i bukina ngke I karaoi arou akanne ma te roo n nano b'a I tuai n onimaki.

1.Timoteo 6:20

Timoteo, ko na kawakina te baere ko mwiokoaki iai. Ko na tan nako mani b'arantiko aika akea nanoia aika aki itiaki, ao man iango ni kauntaba aika kanoan te baere e aki tau n aranaki b'a te Rabakau;

Tito 1:3

ma ngke e roko taina ae riai, ao E kaota ana taeka n te Rongorongo are I mwiokoaki iai, ao I tataekinna n ai aron tuangau iroun te Atua are ara Tia Kamaiu;

Iakobo 3:1

Tariu, kam na tai riki b'a taan reirei aika bati, ngkai ti ataia b'a ngaira aika taan reirei e na reke iroura motikan taekara ae rawawata riki.