Ruka 12:30 - Te B'aib'ara

³⁰ B'a a ukoukori baikai ni kabane botannaomata i aonnaba; ao Tamami, E ataia b'a kam kainanoi.

Ruka 12:30 ပူးပေါင်းရင်းမြစ်များ

Mataio 10:20

B'a tiaki ngkami ake kam taetae, ma bon Tamnein Tamami are taetae mai roumi.

Mataio 18:14

Ao ai aron naba Tamami are i karawa, b'a E aki tangira temanna i buakoia aika uarereke aikai b'a e na tiotio nako mai Rouna.

Mataio 5:47

Ao ngkana kam kamauriia ti kaain te Aro, tao a raka riki aromi iai nakoia aomata nako? Tiaki a karaoa naba aei te koraki ake a tuai n onimakina te Atua?

Mataio 6:1

Kam na tarataraingkami b'a kam na aki karaoi b'aai ake a kaeti ma b'ain te onimaki i mataia aomata ni kan noraki i rouia; b'a ngkana aromi anne, ao a na akea te b'ai n tituaraoi ae kam na anganaki mairoun Tamami are i karawa.

Mataio 6:32

B'a a ukoukori baikai ni kabane aomata aika aki onimakina te Atua; ao Tamami are i karawa, E ataia ae kam kainanoi baikai ni kabane.

Mataio 6:8

Tai kakairi i rouia, b'a E atai baika kam kainanoi Tamami i m'ain ae kam butiia.

Ruka 12:29

Ao ngkami, tai ukoukori kanami ao nimami, ao tai nanokokoraki.

Ruka 12:31

Ma kam na ukoukora ueana, ao e na raonaki ni baikai nako imi.

Ruka 12:32

Tai maaku, ngkami aika karako m'aitimi b'a E kukurei Tamami n anganingkami ueana.

Ioane 20:17

E taku Iesu nakoina, “Tai riingai, b'a I tuai n rierake nakon Tamau; ma ko na nakoia tariu ao ko na atong au taeka aikai nakoia, I rierake nakon Tamau, are Tamami naba, ao Atuau, are Atuami naba.”

I-Ebeto 4:17

Ma ngaia ae aei au taeka, ae I kamatoa nakoimi n reitaki ma nanon te UEA, b'a kam na tai manga katotongiia aomata aika tiaki I-Iutaia n aroni maiumi, ngkai a maiu ma aia iango aika akea bonganaia;

1.I-Tetaronike 4:5

ma tiaki n te aro ni kaitataan ni kaib'ab'aru n ai aron ae noraki irouia aomata aika tiaki I-Iutaia aika aki ata te Atua.