Ruka 12:20 - Te B'aib'ara

²⁰ Ma E taku te Atua nako ina, “Te nanobaba! N te tairiki aei, ao e na anaaki maium mai roum; ao b'aai akana ko a tia ni katauraoi, antai ae na b'aini?”

Ruka 12:20 ပူးပေါင်းရင်းမြစ်များ

Etita 5:11

Ao e kamoaa nakoia n aron kaub'aina ma m'aitiia natina m'aane, ma aron te uea ngke e karikirakea nakoana, ma arona n rietaata riki nakoia raona n aobitia.

Iobi 27:8

Tera aia kaantaninga aomata aika akea atuaia ngkana e a roko te tai are e a anaaki iai maiuia i roun te Atua?

Taian Areru 39:6

kaanga ai aron te nuu. Baika a karaoi, bon akea nanona; e na kaikoi kaub'aina, ao n aki ataia b'a antai ae e na b'ain i mwiina.

Taian Areru 49:10

Ti kakoaua b'a a mate naba aomata aika wanawana; Ai aroia naba aomata aika nanobaba mani bangab'ai b'a a mate ao a tiku aia b'ai i mwiia nakoia aia bakatibu.

Taian Areru 73:19

A mate nabangkekei; A roko n tokiia ae kakamaaku.

Taian Areru 78:30

Ma i m'ain ae a rauaki, ngke a bon tabe naba n am'arake,

Taeka n Rabakau 10:2

Bon akea buokam ae e na anganiko b'aai akana kam karekei mani karaoan m'akuri aika a buakaka, ma karaoan ae e raoiroi e na boni konaa ni kamaiuko man te mate.

Taeka n Rabakau 11:4

Ngkana e un te Atua, ao e na bon aki buokingkami te m'ane. Te ongotaeka iroun te Atua bon ti ngaia te kawai i bukin karekean te maiu man te mate.

Taeka n Rabakau 13:7

A bakaaea te maiu ni kaub'ai, tabem'aang aika akea aia b'ai ma a bakaaea te maiu ni kainano, tabem'aang aika a m'aiti aia b'ai.

Taeka n Rabakau 27:1

Ko na aki kamoamoa i bukin te ingabong! b'a ko aki ataa kanoan te bong teuana ma teuana.

Taeka n Rabakau 28:8

Ngkana ko kareerekea am m'ane man kabuuburaan am raka, ao ane e na bua ni kabane nakon temanna ae e tararuaia aika a maiu ni kainano.

Itaia 56:12

Kam taku i bon iroumi, “Ti na mooi ni karokoa ti a manging! Ao ti na manga karaoia nakon te ingabong. Ti na bon kakukureira.”

Ieremia 17:11

Kam karawaawataia tabem'aang, a na bane ni kiba nako b'aai ni kabane aika kam karekei, kaanga taiani mannikiba aika a raure man taian bunimoa aika a kimoaaki. Ao i mwiina, kam na ataia b'a ngaia kam rangi n nanobaba.

Amota 6:13

Ko kamoamoako ngke ko taua te kaawa are Roteb'ara. Ko taetae ni kamoamoa iai ni kaangai, “Ti korakora n niniaanako te kaawa are Kaanaim.”

Naum 1:10

Ngkami aika kam mamanging, kam na kabuokaki n ai aron uteute aika a kateketeke, aika a m'auteretere.

Ruka 11:40

Ngkami aika baaba! Teuare karaoa tinanikun te b'ai, tiaki Ngaia naba are E karaoa nanona?

1.I-Tetaronike 5:3

Ngkana a kangai aomata, “E a rau te aba ao akea te kakiriwe,” ao ane e na roko ni karina te kabuanib'ai nako ia, kanga ai aron rokon te ariri ni maraki iroun te aine ae nangi bung; ao a na bon aki kona ni kamaiuia maiai.

1.Timoteo 6:17

Ko na tuangiia akana kaub'ai ni b'ain te maiu aei, b'a a na tai kainikatonga ao a na tai onimakina te kaub'ai ae aki teimatoa; ma a na onimakina te Atua, ae kabane b'aai ni kabatiai n anganira b'a ti na kukurei iai.

1.Timoteo 6:7

B'a bon akea te bae ti uotia nako aon te aba, ao bon akea te bae ti na uotia nako mai aon te aba;

Iakobo 4:14

Ao kam bon aki ataia b'a tera aroni maiumi ningabong. B'a kanga ai aron te mabubu ngkami, ae kaoti teutana ao rimwi e mauna.