Ruka 12:17 - Te B'aib'ara

¹⁷ ao e kangai i nanona, “Tera ae N nang karaoia, b'a akea te tabo ae N na kawakin iai au uaa?”

Ruka 12:17 ပူးပေါင်းရင်းမြစ်များ

Te Minita 11:2

Tib'ai nako baikana iai iroum nakoia itiman aomata ke waniman, b'a ko aki kona n ataa te tai ae e na roko iai te kabuanib'ai ae e karina.

Itaia 58:7

Tib'aa kanami nakoia aomata nako aika a bora ni baki; Tib'aa ami auti ma te aomata ae e maiu ni kainano, ao ae akea ana auti; Anga te kunnikai nakoia akana a kananoanga; kam na aki tannako mairouia ami koraki nako.

Mataio 16:7

Ao a iango i rouia ni kangai, “E taekina aei i bukina ngkai ti aki ua am'arake.”

Mataio 5:42

Ane butiko, ao ko na anganna; ao ane kan tangoa am b'ai, ao tai rawa.

Ruka 10:25

Ao noria, e tei rake te rooia temanna b'a e na kataia, ao e kangai, “Te Tia Reirei, tera ae N na karaoia b'a e aonga n reke i rou te maiu are aki toki?”

Ruka 11:41

Ma kam anga b'ai ake i nanon ami m'angko ma ami raurau b'a b'aai n akoi; ao noria, a bane n itiaki b'ai ni kabane i bukimi.

Ruka 12:16

Ao E taekina te rongorongo ni kabotau nako ia, ao E kangai, E bati n uaa aban te aomata temanna ae kaub'ai,

Ruka 12:18

Ao e taku, “N na karaoa aei: N na urui nnen au uaa, ao N na manga katei aika ab'ab'aki riki; ao N na kawakin iai au uaa ni uita ni kabane ma au b'ai nako.

Ruka 12:22

E taku Iesu nako ia ana reirei, Ma ngaia ae I taku nako imi, Tai iango n raraoma i bukini maiumi b'a tera ae kam na kanna; ao i bukin rab'atami b'a tera ae kam na kunnikaia iai.

Ruka 12:29

Ao ngkami, tai ukoukori kanami ao nimami, ao tai nanokokoraki.

Ruka 12:33

Kam na kabo nako ami b'ai, ao anga m'aneia b'a b'ai n tituaraoi nakoia akana akea aia b'ai; kareke ami b'auti-ni-m'ane aika na aki riki ni m'ane, ma baika kakawaki aika na aki kona ni bane i karawa, ike e aki rooroko iai te tia iraa, ao e aki ururu b'aai iai te koa.

Ruka 16:3

Ao e taku te manatia i nanona, “Tera ae N nang karaoia, b'a ae e a anaaki mai rou te nakoa ni manatia iroun au mataniwi? E aki tau korakorau ni keniken, ao I mamaa ni bubuti.

Ruka 16:9

Ao I taku nako imi, Kabonganai kaub'aimi aika b'ain te maiu aei b'a b'aini karekeaia raomi; ao ngkana a bane, ao ane kam na m'aneaki n akoaki ni ne ni maeka ake a aki mamauna.

Ruka 18:22

Ngke E ongo aei Iesu, ao E taku nako ina, “Teuana riki te b'ai ae akea i roum, Kabooi nako am b'ai ni kabane akana iai i roum ao tib'atib'ai booia nakoia aomata akana akea aia b'ai, ao ane na reke i roum iai am b'ai i karawa; ao nako mai, irirai.”

Ruka 19:17

Ao ngaia e taku nako ina, “E nako raoi am m'akuri, te toro ae ko raoiroi ngkoe! Ngkai ko a tia ni kakaonimaki n ae rangi n uarereke, ao ko na mataniwi i aon tebwina te kawa.”

Ruka 3:11

E kaekaia ni kangai, “Ane iai i rouna uoua ana kabaraki, ao ke e anga teuana nakon ane akea ana kabaraki; ao ane iai kanana, ao ke e karaoa naba are e karaoia teuare uoua ana kabaraki.”

M'akuri 16:30

ao e kairiia ni kaotinakoia ao e taku, “Mm'aane, tera ae riai b'a N na karaoia b'a I aonga ni kamaiuaki?”

M'akuri 2:37

Ngke a ongo aei aomata ao a teke nanoia; ma ngaia are a taku nakoni Betero ma taan tuatua ake raona, “Taari, tera ae ti na karaoia?”

I-Rom 12:13

Kam na anga ami b'ai nakoia ake a itiaki b'a buokani kainnanoia, ao kam na butim'aia n akoia ni mwengami.

1.Timoteo 6:17

Ko na tuangiia akana kaub'ai ni b'ain te maiu aei, b'a a na tai kainikatonga ao a na tai onimakina te kaub'ai ae aki teimatoa; ma a na onimakina te Atua, ae kabane b'aai ni kabatiai n anganira b'a ti na kukurei iai.

1.Ioane 3:16

Ti ata te tangira n aei, ngke E anga maiuna i bukira; ma ngaia ae e riai b'a ti na anga maiura i bukiia taari.