Ruka 12:14 - Te B'aib'ara

¹⁴ Ao Ngaia E taku nako ina, “Nao, antai ae karaoai b'a te tia moti ke te tia tib'a i aomi?”

Ruka 12:14 ပူးပေါင်းရင်းမြစ်များ

Te Otinako 2:14

Ao e taku te mm'aane arei, “Antai ae e tuangko b'a ko na tararuaira ma ni karikiko b'a te tia motiki taekara? Ko nang manga tiringai naba, n aron te I-Aikubita arei?” Ao e maaku Moote n te b'ai arei, b'a e a kakoaua b'a a tia aomata n ataa te b'ai are e a tia ni karaoia.

Mika 6:8

Bon tiaki ngaia anne, E a tia n reireiniira te UEA ataakin ae e raoiroi. Aikai baika E tangiri te UEA mairoura: Ti na karaoa ae e eti, ti na kaota te tangira ae e teimatoa, ao ti na iraorao ma Ngaia ma te nanorinano.

Ruka 12:13

Ao e taku temanna i buakoia aomata aika bati nakon Iesu, “Te Tia Reirei, Tuanga tariu b'a e na tib'ai i marenau ma ngaia, ana b'ai tamara ake a tiku i mwini matena.”

Ruka 22:58

Ao e aki maan i mwina, ao e a manga noria temanna te mm'aane ao e taku, “Bon raoia naba uakekei ngkoe!” Ma e kaeka Betero ao e taku, “Nao, tiaki!”

Ruka 5:20

Ngke E nori aia onimaki Iesu, ao E taku, “Teuaei, a kab'araki am bure.”

Ioane 6:15

Ngke E ataia Iesu b'a a nangi roko aomata n taua ma te matoa b'a a na kauea, ao E a manga oki nakon te maunga, n ti Ngaia.

Ioane 8:11

Ao e taku neierei, “Te Uea, akea.” E taku ngkanne Iesu nakoina, “Ao Ngai I aki motika naba taekam; ko na nako, ao tai manga bure.”

I-Rom 2:1

Ma ngaia ae bon akea aonam, ngkoe ae te aomata ae ko taku n am baire b'a a buakaka aomata nako: b'a ane ko taku b'a e buakaka, ao ko boni motika naba iai taekam ni kabuakakako, i bukina b'a ngkoe ae ko kabuakaka ko boni karaoi naba baikai.

I-Rom 2:3

Ao ngkoe ae te aomata ae ko taku n am baire b'a a buakaka aomata aika karaoi baikai, aika ko boni karaoi naba, ko kona ni biri nako mai m'ain ana motiki-taeka te Atua?

I-Rom 9:20

Nao! Antai ngkoe b'a ko na kaekaa te Atua? Iai riain te b'ai ae e karaoaki man te bokaboka b'a e na kaekaa te aomata are karaoia ni kaangai, “E aera ngkai ko karaoai n arou aei?”