Ruka 12:13 - Te B'aib'ara

¹³ Ao e taku temanna i buakoia aomata aika bati nakon Iesu, “Te Tia Reirei, Tuanga tariu b'a e na tib'ai i marenau ma ngaia, ana b'ai tamara ake a tiku i mwini matena.”

Ruka 12:13 ပူးပေါင်းရင်းမြစ်များ

Taian Areru 17:14

Kabongana baim ae m'aaka ni kamaiuai iai mai nanoni baiia aomata aika reke irouia b'aai ni kabane aika tangiri n te maiu aei. Ko kareke kanaia ake Ko tangiriia. A bati n reke irouia natiia, Ao a na bati riki n reke nakoia tibuia i aoni m'aitin are e tau i bukiia.

Etekiera 33:31

Ma ngaia are, a bane n roko n ongora irou, ma a rawa ni karaoa te b'ai are I tuangiia. A taku b'a a bon kakaonimaki, ma a bon teimatoa ni kataia ni baabakanikawai aia m'ane aomata tabem'aang.

Ruka 12:12

b'a E na reireiningkami te Tamnei are Raoiroi n te aoa naba arei ami taeka akana riai b'a kam na atong.

Ruka 12:14

Ao Ngaia E taku nako ina, “Nao, antai ae karaoai b'a te tia moti ke te tia tib'a i aomi?”

Ruka 6:45

E kaoti baika raraoi te aomata ae raoiroi mani b'ain nanona aika raraoi; ao e kaoti baika bubuaka te aomata ae buakaka mani b'ain nanona aika bubuaka. E taetae te wii man onraken te nano.

1.Timoteo 6:5

ma aia meremere n taai nako aomata aika babanga n iango, aika akea irouia te koaua. A taku n aia iango b'a tauan te Aro boni ngaia ae e reke mai iai te kaub'ai.