Ruka 12:11 - Te B'aib'ara

¹¹ Ngkana a katikingkami nako mataia akana botaki ni m'aneabaia I-Iutaia ao nakoia taan tautaeka ma uea, ao tai raraoma n are kam na taekin b'a a kanga ami kaeka, ke a na tera are kam na atong;

Ruka 12:11 ပူးပေါင်းရင်းမြစ်များ

Te Otinako 4:12

Ko na nako ngkai! N na raoniko ngkana ko taetae ma n anganiko taeka aika ko na taekin.”

Mataio 23:34

Ma ngaia ae N na kanakoia burabeti, ma aomata aika rabakau, ma taani koroboki nako imi: ao ane kam na kamateia tem'angina, ao kam na tauriia tem'angina ni kaibangaki; ao ane kam na kataereia tem'angina i nanoni m'aneabami, ao kam na kakioia nako man te kawa teuana nakon te kawa teuana.

Mataio 6:25

Ma ngaia ae I taku nako imi, Tai iango n raraoma i bukini maiumi, b'a tera ae kam na kanna ke ae kam na nimma, ao i bukin rab'atami b'a tera ae kam na kunnikaia iai. Tiaki e bongana riki te maiu nakon te am'arake, ao te rab'ata nakoni karabana?

Mataio 6:27

Antai i buakomi, i bukin raraomana, ae e kona ni kaananaua ana tai ni maiu nakon ae teuana riki te bong?

Mataio 6:28

Ao kam aera ngkai kam iangoi karabami n raraomaeakin? Kam na iangoi aroia kiebun te aba, b'a a kanga n riki rake; a aki m'am'akuri ao a aki bibinoka;

Mataio 6:31

Ma ngaia ae tai iango n raraoma, ni kangai, “Tera karara? ao, tera nimara? ao, tera karabaara?”

Mataio 6:34

Ma ngaia ae kam na tai iango n raraoma i bukin te ingabong b'a tera ae na riki iai: b'a e na bon iangoa arona te ingabong n raraomaeakinna. E a tau ana b'ai ni kararaoma te bong ae te bongina ngkana bon ana b'ai.

Ruka 12:22

E taku Iesu nako ia ana reirei, Ma ngaia ae I taku nako imi, Tai iango n raraoma i bukini maiumi b'a tera ae kam na kanna; ao i bukin rab'atami b'a tera ae kam na kunnikaia iai.