Ruka 12:1 - Te B'aib'ara

¹ Ao ngkekei naba, ngke a botaki aomata aika rangi ni m'aiti n te aro are a rangi n i rib'arib'a, ao E taku Iesu nakoia moa ana reirei: Kawakiningkami man aia iiti B'aritaio are te m'am'ana-te-aba.

Ruka 12:1 ပူးပေါင်းရင်းမြစ်များ

2.Uea 7:17

E kanakoa ngkoa te mataniwi irouia ana taani kairiiri te uea b'a e na teiakina mataroan te kaawa, ma e mate ngke e toubekaaki irouia aomata ngke a biri n otinako man te kaawa.

Iobi 20:5

ao bon akea te aomata ae buakaka ae e kukurei n te tai ae maan.

Iobi 27:8

Tera aia kaantaninga aomata aika akea atuaia ngkana e a roko te tai are e a anaaki iai maiuia i roun te Atua?

Iobi 36:13

A na teimatoa n un nanoia aomata ake akea atuaia, e ngae ngke a katuaaeaki, ao a bon aki kan tataro naba buokaia.

Itaia 33:14

A titiraki ma te maaku taani bure aika a buakaka ake a maeka i aon te Maunga are Tion, “Ti nang kangaa ni maeka i buakon te urarake ae akea tokina?”

Ruka 11:44

A na reke kaimi! B'a kanga ai aroni neia maate ngkami ake a aki noraki; a nakonako i aoia aomata b'a a aki ataia.

Ruka 12:56

Ngkami aika taani m'am'ana te aba, iai am konaa n atai nanoni kanikina i aon te aba ma karawa, ma e aera ngkai kam aki kona n ata nanon te tai aei?

Ruka 5:1

N te tai teuana, ao E tei Iesu i rarikin te nama are Kennetareta, ao a karib'a aomata i bukini kan ongoraaia n ana taeka te Atua.

Ruka 5:15

Ma e a tanoata nako riki rongorongon Iesu; ao a botaki aomata aika m'aiti b'a a na ongora ao a na kamaiuaki man aorakiia.

Ruka 6:17

Ao E ruo Iesu man te maunga ma uake tengauni ma uoman ao E tei n te tabo ae aoraoi ni botaki ma ana reirei aika rangi ni m'aiti ao aomata aika bati ake a roko mai Iutaia ao Ierutarem ao man taabo ake i rarikin taari i Tuuro ao i Titon. A roko b'a a na ongora iroun Iesu ao a na kamaiuaki man aorakiia;

M'akuri 21:20

Ao ngke a ongo, ao a karaoiroa te Atua, ao a taku nakoina, Tarira, ko noria b'a nga ma nga I-Iutaia aika tia n rairaki, aika a rangi ni korakora nanoia n tangira te Tua.

1.I-Korinto 15:3

B'a I moa n anganingkami i buakoni baika kakannato te baere I anganaki naba: b'a E mate Kristo i bukin ara bure n ai aron taekana n te B'aib'ara;

Ebera 12:22

Ma kam kaania te maunga are Tion ma ana kawa te Atua ae maiu, are Ierutarem are i karawa, ma anera aika ngaa ma ngaa,

Iakobo 3:17

Ma te rabakau are mai eta e kairiia aomata nakon te maiu moa ae itiaki, ao ae rau ma n nimamannei, ae b'aina te iraorao; e on n te nanoanga, ao e karaoi m'akuri nako aika raraoi; e aki nanonano ao e aki m'am'anaa te aba.

1.Betero 2:1

Ma ngaia ae kam na kaaki taian nano n riribai, ma te uarao, ma te baka n raoiroi, ma taiani bakantang, ma taeka ni kamaraki nano ni kabane,