Ruka 11:49 - Te B'aib'ara

⁴⁹ Ma ngaia are e taku Rabakaun te Atua, “N na kanakoia burabeti ma taan tuatua nako ia, ao ane a na kamateia tem'angina, ao a na b'ainikiriniia tem'angina.”

Ruka 11:49 ပူးပေါင်းရင်းမြစ်များ

Ieremia 7:25

Man te tai are a kiitana iai Aikubita ami bakatibu, I kanako ia au taani m'akuri aika burabeti b'a a na taetae i buku.

Mataio 22:6

ao nikiraia a tauia ana toro, ao a b'ainikiriniia, ao a kamateia.

Ruka 11:48

Ma ngaia ae taani kakoaua ngkami nakon aia m'akuri ami bakatibu, ao kam kariai baike a karaoi: b'a a kamateia, ao kam karaoi ruanimateia.

Ruka 24:47

ao b'a e na tataekinaki rairan te nano ma kab'araani buure n arana i buakoia botannaomata ni kabaneia, ni moa n taekinaki mai Ierutarem.

Ioane 16:2

Ane kam na tukaki b'a kam na aki manga roko ni m'aneabaia I-Iutaia, ao e na roko te aoa are e na taku iai ane kamateingkami b'a ngke e karaoa aei, ao e karaoia i bukin neboan te Atua.

M'akuri 1:8

Ma ane kam na anganaki te m'aaka, ngkana E roko te Tamnei are Raoiroi i aomi; ao ane kam na riki b'a taan tataekinai nakoia aomata i Ierutarem ao n taabo nako i Iuta, ao i Taamaria, ao i aonnaba ni kabuta.”

M'akuri 11:27

Ni boong akekei ao a roko i Antioka burabeti mai Ierutarem.

M'akuri 22:20

ao ngke e tiringaki Tetebano are e tataetae i bukim, ao ngai naba are I tei ni kakoauaa b'a e bon riai matena, ao I kawakini kunnikaiia ake a kamatea.”

M'akuri 7:57

Ao a takarua te koraki arei n te b'anaa ae korakora, ao a bonoti taningaia ni baiia, ao a biri ni botaki ma te nano ae ti teuana n eweka aona;

M'akuri 8:3

Ma Tauro e kataia n urua te ekaretia: e rin i nanon auti nako ni katikiia nako kaain te ekaretia aika mm'aane ma aine, ao e kaakiia i nanon te karabuuti.

1.I-Korinto 1:24

ma nakoia aika rineaki iroun te Atua, aika I-Iutaia ma I-Erene, boni m'aakan te Atua ao rabakauna naba.

1.I-Korinto 1:30

Ma E a tia te Atua n reitingkami ma Kristo Iesu, ao E a tia naba ni karika Iesu b'a rabakaura. A reke reitaki ma te Atua i Rouna; ti a riki b'a ana aomata te Atua ngaira, ao ti a kainaomataki i Rouna;

I-Ebeto 4:11

Boni Ngaia ae E anga tem'angina b'a taan tuatua; ao tem'angina, b'a bureitiman, ao tem'angina, b'a taan taekina te euangkerio; ao tem'angina, b'a taani kawakina te ekaretia ao taan reirei.

I-Korote 2:3

are a bane ni karabaki i nanon taian rabakau ma atatai nako.

Te Kaotioti 16:6

B'a aomata a katinakoi raraaia te koraki ake a itiaki ma burabeti; ao Ko a tia n anganiia te raraa b'a a na moi iai. A riai n reke kaiia.”

Te Kaotioti 18:20

Ko na kim'areirei, karawa, n te b'ai ae riki nakoina; ao kam na kim'areirei naba ngkami aika kam itiaki, ma taan tuatua, ma burabeti: b'a E karekei kaina te Atua i bukin te baere e karaoi nakoimi.