Ruka 11:42 - Te B'aib'ara

⁴² Ma a na reke kaimi B'aritaio! B'a kam anganga teuana te katebwina ni m'akoro man aroka aika te minte, te rue, ao aroka aika boiarara baaia, ao kam aki karaoa nanon te eti ma ana tangira te Atua; baikai aika kam riai ni karaoi, n aki kaaki taekaia akekei.

Ruka 11:42 ပူးပေါင်းရင်းမြစ်များ

Neemia 10:37

Ti na uoti nakoia taiani ibonga n te Tembora taiani kariki aika a aki manti raoi ma moan uaan te tai, n reitaki ma raraoin uaan arokara, ao ara angab'ai are te wain ae e boou ma b'aan te oriwa. Ti na uoti naba katebwinan m'akoron ara tai are te uita nakoia kanoan Rewi ake tabeia riko aia n ara kaawa nako.

Taeka n Rabakau 21:3

Karaoan ae e raoiroi ao ae e riai e boni kakukureia riki te UEA nakon te angab'ai.

Te Minita 7:18

Kateimatoako i nuukan te kawai. Ko konaa ni karaoa aei ngkana ko karinea te Atua.

Mika 6:8

Bon tiaki ngaia anne, E a tia n reireiniira te UEA ataakin ae e raoiroi. Aikai baika E tangiri te UEA mairoura: Ti na karaoa ae e eti, ti na kaota te tangira ae e teimatoa, ao ti na iraorao ma Ngaia ma te nanorinano.

Maraki 1:6

Iai te b'ai ae N na taekinna Ngai ae te UEA nakoia ibonga. A karineia tamaia naati ao a karineia aia toka taani m'akuri. Bon tamami ao ami toka Ngai, ao e aera ngkai kam aki karineai? Kam a tia ni katinanikuai ngkami aika ibonga, ao ngkai kam titiraki ni kaangai, “Ti katinanikuko n te aro raa?”

Maraki 2:17

Kam a tia n rangi ni kakuaa te UEA n ami taeka nako. Ao kam titiraki ni kaangai, “Ti na kangaa ni karaoa anne?” Kam karaoia n ami taeka ngke kam kaangai, “E kukurei te UEA ni karaoa te buakaka ao E aki tabe ma te motiraoi.”

Maraki 3:8

Kam kimoai Ngai ae Atuami ngkami aika aomata. Ikai are kam titiraki iai nako iu ni kaangai, “Ti kimoaiko n te aro raa?” Kam kimoaai n te angab'ai ao n te kabwianib'ai are bon Au b'ai.

Mataio 23:13

Ma a na reke kaimi, taani koroboki ma B'aritaio, aika taani m'am'ana-te-aba! B'a kam kaina mataroan Uean te Atua nakoia aomata; ao ngkami kam aki rin, ao kam tukiia akana kan rin iai.

Mataio 23:23

A na reke kaimi, taani koroboki ma B'aritaio, aika taani m'am'ana-te-aba! B'a kam angaanga teuana te katebwina ni m'akoro mani m'aitin ami b'ai are te minte ma te aneto, ma te kumino, ao kam katiku taekani b'aai aika kakannato n taekan te Tua, n ai aron te kaeti raoi taekani b'aai, ma te nanoanga, ma te kakaonimaki nakon ana kaantaninga te Atua.

Mataio 23:27

A na reke kaimi, taani koroboki ma B'aritaio, aika taani m'am'ana-te-aba! B'a ai aron ruua ni mate aika kamainainaki ngkami; a tara n tamaroa mai tinanikuia, ma a on nanoia n riia maate ma baika mka n aekaia nako.

Ruka 18:12

I aki mamatam uoua te tai n te wiiki, ao I anganga teuana te katebwina ni m'akoro mani b'aai ni kabane aika reke i rou.”

Ioane 5:42

Ma I ataingkami b'a akea tangiran te Atua i nanomi.

1.Ioane 4:20

Ngkana e kangai temanna, I tangira te Atua, ao ngkana e ribaa tarina, ao bon te tia kewe ngaia; b'a ane aki tangira tarina ae e a tia n noria, ao e aki kona n tangira te Atua ae e tuai noria.

1.Tamuera 15:22

Ao e taku Tamuera, “Ko na tuangai. E bon kukurei te UEA n taiani karea ma taian angab'ai? E aki! E bon aki tangira am karea. E tangiriko b'a ko na ongotaeka i Rouna.