Ruka 11:39 - Te B'aib'ara

³⁹ Ao E taku te Uea nako ina, Ngkami aika B'aritaio, kam kaitiaka tinanikun te m'angko ma te raurau, ma a on nanomi n tangiran te kan tautaeka ma te kani kaub'ai, ao te buakaka.

Ruka 11:39 ပူးပေါင်းရင်းမြစ်များ

Karikani B'aai 6:5

Ao ngke E noori aia m'akuri aika buakaka aomata ni kabane n te aonnaba te Atua, ma aia iango aika kammaira n taai nako,

2.Rongorongo 25:2

E ngae ngke e ongotaeka Amatia iroun te UEA ni kaakaraoa ae e raoiroi, ma e rawa ni kakororaoa ana kakaonimaki.

Taian Areru 22:13

A kaure wiia nako iu kanga ai aroia raian aika raraebiti ma ni bekorara.

Taeka n Rabakau 26:23

Karabaan iango ni kairiribai i akuun taeka aika a raraoi te taetae bon ai aron ae ko rabuna aon te b'aata n te tano ni mannangin te tirewa.

Taeka n Rabakau 26:25

nakon ae e konaa ni warekaki ma ngaia ae, tai kakoaua te taeka!

Taeka n Rabakau 30:12

ao tabeman a taku n aia iango b'a a rangi n raoiroi, ma a kam'araaeaki n aia bure.

Ieremia 4:14

Ma Ierutarem, e bon reke naba ami tai ni iangoi maiumi Teboki taiani bure mai nanomi ao katoka babaairean iango aika a bure,

Etekiera 22:25

Ti te bo aia taani kairiiri ma taian raian aika a bekorara, ma n raebitiia konaia n aki akaaka. A kamateia aomata, ao i mwiina, a kimoai b'aai ni kabane aika a kakaawaki. A tiringiia buuia m'aane, ao a m'aiti aine ake a tiku n akea buuia.

Etekiera 22:27

Ti te bo mataniwiin nako Iteraera ma taian kameanti aika a tiritiri, aika raebitii konaia n aki akaaka. A maiuakina te maiu ae e buakaka n aroia n kaikoakiia ma n tiringiia aomata.

Teb'ania 3:3

A bekorara aia mataniwi n ai aroia raian. Ai aroia kameanti aika bora ni baki ana taan motikitaeka, e aki kona n tiku nikiran kanaia nakon te ingabong.

Mataio 15:19

B'a a nako man te nano iango aika buakaka aika kaira te aomata b'a e na tiritiri, e na wene ni bure ma te ainenum'a, e na wene ni bure ma te aine ae akea buuna, e na iraa, e na bukibuki ni kewe, ao e na taekini baika aki raraoi b'a taekaia aomata tem'angina.

Mataio 7:15

Kam na kawakiningkami mairouia burabeti ni kewe, akana nako imi ni bakaaea te nimamannei kaanga ai aroia tiibu, ma bon aroia kameanti aika tiritiri ni koaua uakekei.

Ruka 16:15

Ma E taku nako ia: Ngkami aika kam karaoiroingkami i mataia aomata, ma E atai nanomi te Atua; b'a te b'ai ae kakannato irouia aomata ao bon te b'ai ae ribaaki i matan te Atua.

Ruka 7:13

Ngke E nora neierei te Uea, ao E nanoangaia, ao E taku nako ina, “Tai tang!”

Ruka 7:19

Ao ngaia, e weteia uoman ana reirei, ao e kanakoia nakon te Uea ma taeka aikai, “Ngkoe Teuare nangi roko, ke ti na kaantaninga riki temanna?”

Ioane 12:6

E atonga aei, tiaki i bukina b'a e tabe i bukiia aika a aki kaub'ai; ma e atonga aei b'a te tia iraa ngaia, ao ngkai e mena i rouna nen te m'ane, ao e taneiai n ananaa are e taku mai iai i bon i bukina.

Ioane 13:2

Ao ngke a am'arake, ngke e a tia te riaboro ni karina te iango i nanon Iuta, are natin Timon Itekariota, b'a e na kam'anea Iesu,

M'akuri 5:3

E taku Betero nakoina, “Anania, e aera ngkai e anaaki nanom iroun Tatan b'a ko na kewe nakon te Tamnei are Raoiroi, ao b'a ko na taua teutana man te m'ane are boon te aba?

I-Karatia 1:14

E nako raoi riki arou n te Aro n Iutaia nakoia au roro aika bati aika kaain au botannaomata, b'a I bati n tangiri aia taeka n reirei au bakatibu.

2.Timoteo 3:5

aongkoa taan taua te Aro, ma a oti ni maiuia b'a akea nanon tauan te Aro i rouia. Ko na tan nako mani baikai.

Tito 1:15

A bane n itiaki b'aai nakoia akana itiaki; ma akea te b'ai ae itiaki nakoia akana kam'ara i bukin aia bure ma akana aki onimaki, b'a a uaia ni kam'ara nanoia ma mataniwin nanoia.

Iakobo 4:8

Kam na kaania te Atua, ao ane E na kaaningkami. Kam na kaitiaki baimi, ngkami aika taani bure; ao kam na kaitiaki nanomi, ngkami akana kam nanououa.