Ruka 11:35 - Te B'aib'ara

³⁵ Ma ngaia ae ko na taraia raoi ngkanne b'a te oota ane i nanom tiaki te roo.

Ruka 11:35 ပူးပေါင်းရင်းမြစ်များ

Taeka n Rabakau 16:25

N tabetai te b'ai ae e taraa n raoiroi bon te kawai nakon te mate.

Taeka n Rabakau 26:12

Bon iai riki te kaantaninga iroun ae e nanobaba nakona ae ane e na kaangai temanna, “I rangi ni wanawana!”

Mataio 6:22

Te mata ai aron te taura i bukin te rab'ata. Ma ngaia are ngkana e raoiroi matam, ao e na buta rab'atam ni kabanea n te oota;

Ruka 11:34

Matam, kanga ai aron te taura i bukin rab'atam; ngkana e raoiroi matam, ao e buta rab'atam ni kabanea n te oota; ma ngkana e aki raoiroi, ao e buta rab'atam ni kabanea n te roo.

Ruka 11:36

Ngkana arona ngkanne b'a e buta rab'atam ni kabane n te oota n akea maiai ae e roo, ao e na tab'anin raoi ootana, n ai aron uran te taura ae anganiko ootana.

I-Rom 1:22

A taku b'a a rabakau, ma a nanobaba;

2.Betero 1:9

Ma ane akea i rouna baikai, ao e reme ana taratara n te aro are e aki kona n nora ae raroa, ao e m'aninga are e a tia ni kaitiakaki man ana bure ake nikawai.

2.Betero 2:18

B'a ngke a atongi taeka ni kainikatonga aika ria nako aika akea manenaia, ao a kamanena ni kabatiai kaib'ab'arun te rab'ata b'a kanga abeaia i bukini kam'aneaia akana moanna ni butaki nako mai buakoia akana maeka i buakon te buakaka.

Te Kaotioti 3:17

Ngkai ko kaangai: I kaub'ai, ao a kabatiaki au b'ai, ao I aki kainano n te b'ai teuana; ao ko aki ataiko b'a te aomata ae e kai nanona ngkoe, ao ko kananoanga; ko aki kaub'ai, ko mataki, ao akea karabaam.