Ruka 10:6 - Te B'aib'ara

⁶ Ngkana iai ae e tauraoi ni butim'aea te rau ikanne, ao e na tiku i aona ami rau; ma ngkana akea, ao e na manga okiringkami ami rau.

Ruka 10:6 ပူးပေါင်းရင်းမြစ်များ

Taian Areru 35:13

Ma ngke a aoraki, ao I kaota ae I rangi n nanokawaki; I kataua te aki mamatam; Ao I tataro ma te nanokawaki ae bati i bukiia,

Itaia 9:6

E a tia ni bungiaki te teei i bukira. Ti a tia n anganaki te nati te m'aane are e na riki b'a ara tia tautaeka. Aikai arana Te Tia Iango Ae Kamimii ao te Atua ae e M'aaka, te Tama ae Akea Tokina ao Te Uea n Raoi.

Ruka 10:5

Ngkana kam rin n te auti teuana, ao kam na kangai moa, “E na mena te rau n te auti aei.”

Ruka 10:7

Kam na tiku n te auti naba anne, n nim ao ni kang baike a karekei i bukimi, b'a e riai n reke nakon te tia m'akuri boona; tai bibita nem n tiku man te auti teuana ao i mwina teuana.

I-Ebeto 5:6

E na tai m'am'anaingkami temanna n taeka aika akea bonganaia: b'a e roko unin te Atua i bukini baikai i aoia aomata aika aki ongeaba nakoina.

2.I-Tetaronike 3:16

E na anganingkami te raoi n aki toki n aaro nako te Uea are e reke te raoi mai Rouna. E na mena te Uea i roumi ni kabaneingkami.

Iakobo 3:18

Te maiu ae e raoiroi boni ngaia ae na taiaki b'a te ua are riki man te koraa are unikaki n te raoi irouia taan raoi.

1.Betero 1:14

Ngkai naati aika ongeaba ngkami, ao a na tai kairaki maiumi n iangoan nanomi aika bubuaka ake iai iroumi ngkoa ngke kam roo n nano;

1.Tamuera 25:17

Taiaoka ma kareerekea riki am iango iai ao karekea am iango b'a tera ae ko na karaoia nako iai. E konaa n riki te b'ai aei b'a rokon te kangaanga nakon ana toka ao kaain ana utu ni kabane. Bon te aomata ngaia ae e raarawa n tuangaki arona, ao bon akea ae e konaa n ongo i rouna!”