Ruka 10:41 - Te B'aib'ara

⁴¹ Ao E kaeka Iesu ni kangai, “Mareta, Mareta, ko iango n raraoma ao e aki rau nanom i bukini baika bati,

Ruka 10:41 ပူးပေါင်းရင်းမြစ်များ

Te Minita 6:11

M'aitin ara b'arantiko boni m'aitin akean nanon ara taeka, ma ngaia ae ai tera nanon ara b'arantiko?

Mareko 4:19

ma iango n raraoma nako i bukin te maiu aei, ao tangiran taiani kaub'ai ma b'aai nako aika kamataaia te aba, a karib'ab'aa te taeka, ao e aki kariki uaa.

Ruka 10:38

Ngke E nakonako Iesu ma ana reirei, ao E roko n te kawa ike E a butim'aeaki iai iroun te aine ae arana Mareta, nakon ana auti.

Ruka 10:40

Ma Nei Mareta, e rangi n tabetabe ana iango n ana m'akuri; ao e nako n Iesu ao e taku, “Te Uea, Ko aki tabe ngkai e kitanai tariu b'a N na m'akuri n ti ngai? Ko na tuangnga b'a e na buokai!”

Ruka 12:22

E taku Iesu nako ia ana reirei, Ma ngaia ae I taku nako imi, Tai iango n raraoma i bukini maiumi b'a tera ae kam na kanna; ao i bukin rab'atami b'a tera ae kam na kunnikaia iai.

Ruka 21:34

Ma kam na kawakiningkami b'a a na aki kamamaraaki nanomi n taekan ti te kan am'am'arake ma te mamanging ma iango n raraoma i bukini b'ain te maiu aei, b'a e kawa ni karina rokon te bong arei n te tai are kam aki kaantaningaia iai ni kam'aneingkami,

Ruka 8:14

Ao i bukiia ake a b'aka i buakoni kaai ake a kateketeke, akanne bon te koraki ake a ongo ma a karib'aki n iango n raraoma i bukini b'ain te maiu aei, ma kaub'aina ao kakukureina, ao a aki kaoti uaaia aika raraoi.

Ioane 11:1

E aoraki te aomata temanna, ae Rataro arana; kaaini Betania ngaia, are aia kaawa Nei Maria ma tarina are Nei Mareta.

Ioane 11:5

Ao Iesu E tangira Mareta, ma tarina, ma Rataro naba.

Ioane 12:2

Ma ngaia are, a karaoa te am'arake i bukin Iesu ikekei; e touati Mareta, ao Rataro e raonia ake a tekateka n rarikiriki ma Iesu.

I-Biribi 4:6

Kam na tai iangoa te b'ai teuana n raraomaeakinna; ma a na kaotaki ami bubuti nakon te Atua ni b'aai ni kabane, n te tataro ni bubuti ae raonaki ma te katituaraoi.