Ruka 10:35 - Te B'aib'ara

³⁵ N te bong are i mwina, ao e anai uoua te tenari ao e angan teuare ana auti te auti ao e taku, ‘Ko na tararua teuaei; ngkana iai riki ae ko na kabanea i bukina, ao N na kabooa mwina nako im ngkana I oki.’ ”

Ruka 10:35 ပူးပေါင်းရင်းမြစ်များ

Taeka n Rabakau 19:17

Tararuaakin te kainano bon te angab'ai nakon te UEA, ao ane kam na manga kabooaki raoi.

Mataio 18:28

Ao te toro aei, ngke e nako, ao e kaitibo ma raona n toro temanna ae iai ana tarau i rouna ae m'aitina tebubua te tenari; ao e taua ni koona roroana, ao e taku, Kamai kab'aran am tarau i rou.

Mataio 20:2

Ao ngke e a tia ni boraraoi ma taani m'akuri b'a e na kabooia n tatabeua te tenari n te bongina, ao e kanakoia nakoni nnen arokana te kureebe.

Ruka 10:34

E nako ina ao e kab'aroa te b'a ma te wain i aon ikoakina, ao e kabaebaei; e katokaa i aon are bon ana man ao e uotia nakon te auti n iruwa ao e tararuaia iai.

Ruka 10:36

Tera am iango, “Antai mai buakoia uake teniman ae kakoauaki b'a raon teuare e bo ma taani kam'arua?”

Ruka 14:13

Ma ngkana ko karaoa te am'arake, ao ko na kaoiia akana aki kaub'ai ma akana a aki toamau b'ain rab'ataia, ma akana aki kona te nakonako raoi, ma akana a mataki,

I-Rom 16:23

E kamauringkami Kaio ae ngaia ae I mena moa ngkai i rouna; ao a kamauringkami naba kaain te ekaretia aika raou i rouna. E kamauringkami naba Erateto, ae te tia kawakina m'anen te kaawa; ao ai arona naba ma Kuareto ae raora naba n onimaki.