Ruka 10:29 - Te B'aib'ara

²⁹ Ma e kani karaoiroia teuarei, ao e taku nakon Iesu, “Ao antai raou?”

Ruka 10:29 ပူးပေါင်းရင်းမြစ်များ

Iobi 32:2

Ma e a aki kona n taotaona nanona temanna te aomata ae mena i rarikiia ae arana Eriu i roun Iobi ngke e kaeta are i bon i rouna, ao e bukina te Atua. (Eriu bon natin B'arakera, man te baronga are Buti, ao kain te kaainga are Ram)

Nakoaia Ibonga 19:34

Ma karaoa ae e raoiroi nakoia n ai aron ae ko karaoia nako ia kaain te aba, ao tangiriia n ai aron tangiram. Uringnga, bon te naa n iruwa ngkami ngkoa n te aba are Aikubita. Boni Ngai te UEA ae Atuami.

Mareko 8:34

Ao E weteia aomata aika bati ma ana reirei; ao ngke a roko, ao E taku nako ia, “Ngkana iai ane kan ri mwiu, ao e na kakeaa i bon i rouna; e na uota ana kaibangaki ao e na irirai.

Ruka 10:36

Tera am iango, “Antai mai buakoia uake teniman ae kakoauaki b'a raon teuare e bo ma taani kam'arua?”

Ruka 16:15

Ma E taku nako ia: Ngkami aika kam karaoiroingkami i mataia aomata, ma E atai nanomi te Atua; b'a te b'ai ae kakannato irouia aomata ao bon te b'ai ae ribaaki i matan te Atua.

I-Rom 10:3

b'a a aki ata te aro are e na kaetaki iai aroia n reitaki ma te Atua, ao a kataia ni karaoa te aro are e na reke iai i rouia; ao aroia aei e a oti iai b'a a rawa n are E a tia te Atua ni karaoia i bukiia.

I-Rom 4:2

B'a ngke tao e kaetaki arona n reitaki ma te Atua i bukin ana m'akuri, ao bon iai ana b'ai ni kamoamoa iai; ma e aki kona ni kamoamoa i matan te Atua.

I-Karatia 3:11

Ma e ataaki b'a akea te aomata i matan te Atua ae e eti reitakina ma Ngaia n te Tua, b'a e kaangai te B'aib'ara, E na maiu ane e kaetaki reitakina ma te Atua n te onimaki.

Iakobo 2:24

Kam noria ngkanne, b'a e reke reitakin te aomata ma te Atua tiaki ti n te onimaki n ti ngaia, ma n ana onimaki ni botaki ma ana m'akuri.