Ruka 10:27 - Te B'aib'ara

²⁷ Ao e kaeka ni kangai, “Ko na tangira te Uea ae te Atua n nanom ni kabanea, ao ni maium ni kabanea, ao ni korakoram ni kabanea, ao ni wanawanam ni kabanea; ao ko na tangira raom n ai aron tangiram i bon i roum.”

Ruka 10:27 ပူးပေါင်းရင်းမြစ်များ

Nakoaia Ibonga 19:18

Toki man te unun ao tai kataia ni kabooa kaim. Bon te UEA Ngai ae Atuami, ao I tuangngkami b'a kam na kakorakorai ngkami n tangiriia raomi n ai aron tangirakimi i boni i roumi.

Mataio 19:19

Ko na karinea tamam ma tinam, ao, Ko na tangira ane maeka n ua kaani ma ngkoe n ai aron tangiram i bon i roum.”

Ruka 10:26

E taku Iesu nako ina, “Tera are koreaki n te Tua? E kangaa am wareware iai?”

I-Rom 13:9

B'a aikai tuua, “Ko na tai wene ni bure; Ko na tai kamateia aomata; Ko na tai ira; Ko na tai mataai” ao ngkana tao iai riki, ao a bane i nanon te tua ae kaangai, “Ko na tangira raom n ai aron tangiram i bon i roum.”

I-Karatia 5:13

B'a kam weteaki nakon te aro n inaomata, taari; ma kam na tai b'aina te aro n inaomata b'a aonami i bukini baika e tangiri te rab'ata; ma kam na i torotoro iroumi n te tangira.

Te Tua-Kaua 10:12

Kaain Iteraera, tera te b'ai ae tangiria te UEA mairoumi? E tangiria te UEA b'a kam na karinea ma n iria, ao n tangiria ma ni m'akuri i bukina ma nanomi ao tamneimi ni kabane,

Te Tua-Kaua 30:6

Kam taningabono ma kanoami, ma E na karaoingkami te UEA b'a kam na kukurei n ongotaeka nakoina, ma n tangiria ma nanomi ao tamneimi ni kabane, ao kam na kukurei ma n ab'ab'aki maiumi.

Te Tua-Kaua 6:4

Kakauongo, Iteraera. Bon ti te Atua ni koaua te UEA ae Atuara.

Te Tua-Kaua 6:5

Ma ngaia are, kam na tangira te UEA ae Atuara ma nanomi ni kabane, tamneimi ni kabane, ao korakorami ni kabane.

Ebera 8:10

B'a aio te boraraoi ae N na karaoia ma te botannaomata ae Iteraera i nanoni boong aika na roko, bon ana taeka te Uea: N na karin au tua i nanon aia iango, ao N na koroi i nanoia. N na riki b'a Atuaia, ao ngaiia a na riki b'a au aomata.

Iakobo 2:8

Ma kam karaoa ae e raoiroi ngkana kam toua mwin te tua are mairoun te Uea, are e koreaki ni kaangai, “Ko na tangira raom n ai aron tangiram i bon i roum.”

1.Ioane 3:18

Au ataei aika uarereke, ti na tai i tangitangiri n ti te taeka ao n te newe, ma a na noraki arora n i tangitangiri n te m'akuri ao n te koaua.