Ruka 10:21 - Te B'aib'ara

²¹ N te aoa naba arei, ngke E kairaki Iesu ni m'aakan te Tamnei are Raoiroi, ao E kakatonga ao E kangai, I karaoiroiko Tamau, ae Ueani karawa ma aonnaba, b'a Ko a tia ni karabai baikai mairouia akana rabakau ma akana wanawana, ao Ko kaotii nakoia akana merimeri; eng, Tamau b'a aei aron nanom n akoi.

Ruka 10:21 ပူးပေါင်းရင်းမြစ်များ

Taian Areru 24:1

Bon ana b'ai te UEA aaba nako, ma kanoaia; te aonnaba ma ake a maeka iai.

Taian Areru 25:14

Te UEA bon raoraoia akana ongeaba i Rouna, Ao E karaoa ana boraraoi ma ngaiia.

Taian Areru 8:2

A aneneia ataei ma merimeri. Ko rab'a ma ni mano raoi mairouia am kairiribai; Ko kaini wiia taani kaaitarako.

Itaia 29:14

Ma ngaia are, N na manga karaoi b'aai ake a katiaokiia ma ni kamimiia, ao N na kamaunai wanawanaia akana a taku b'a a rabakau ma n ataib'ai.”

Itaia 35:8

E na mena te kawai ae e raoi ikekei, ao e na aranaki b'a “Kawain te Atua ae e Tabu.” bon akea te aomata temanna ae e aki tau n taromauri ae e na toua te kawai arei. Ao bon akea naba te nanobaba ae e na toua te kawai arei.

Itaia 53:11

Ti na karekea raoi nanon te ongotaeka iroun te UEA i nanon rawaawatan te tia m'akuri. E ngae ngke akea ana bure, ma e na bon anaa naba tuaaia taani bure tem'angina, b'a a aonga ni m'aiti mai buakoia aika a na b'ara aia bure.

Itaia 62:5

A na abana te aba ami aomata, kaanga te rorobuaka n ataei ngkana e anaa te kainrou. E na kukurei te UEA iroumi, kaanga te bu te m'aane ngkana e kukurei iroun ana kainrou.

Itaia 66:1

E taku te UEA: Au kaintokanuea karawa ao nnen katokaniwaeu aonnaba. Tera te aekaki n auti ae ko na karaoia ibuku? E nga te tabo ae N na motirawa iai?

Teb'ania 3:17

E bon mena iroum te UEA ae Atuam Ko na tokanikai ni m'aakana. E kukurei te UEA iroum ao E na anganiko te maiu ae e boou n ana tangira. E na anene ni kim'areirei i aom.

Mataio 16:17

Ao E kaekaa Iesu ni kangai, “Ko a kab'aia, Timon ae natin Iona! B'a tiaki te aomata ae kaota aei nako im, ma E kaotia Tamau are i karawa.

Mataio 21:16

ao a taku nako Ina, “Ko ongo b'a tera ae a taekinna?” E taku Iesu nako ia, “Eng! Kam tuai ni wareka te taeka are kangai? Ko a tia ni kataneiaia ataei aika uarereke ma merimeri b'a a na neboiko n te aro ae rangi n nako raoi.”

Mataio 3:7

Ngke e noriia B'aritaio ma Tarukaio aika bati Ioane b'a a roko b'a a na b'abetitoaki, ao e taku nako ia, “Ngkami aika buniia naeta, antai ae tuangngkami b'a kam na biri nako man te un are a kan roko?

Mareko 10:15

E koaua ae I a tuangngkami b'a ane aki butim'aea Uean te Atua n ai aron te teei, ao e na bon aki kona n rin iai.”

Ruka 15:5

Ao ngkana e reke, ao e uotia i aon angana, ni kim'areirei.

Ruka 15:9

Ao ngkana e reke i rouna, ao e botiia raona ma ake a maeka i rarikina, ao e kangai, “Kam na kim'areirei ma ngai! B'a I a tia ni kunea te m'ane are bua i rou.”

Ioane 11:41

A kaaki ngkanne te atibu. Ao E tara rake Iesu, ao E taku, “Tamau, I kaitauko b'a Ko ongo irou.

2.I-Korinto 4:3

Ao ngkana e rabunaki ara euangkerio, ao e rabunaki nakoia ake a nangi mate;

I-Ebeto 1:11

A bane b'aai nako ni karaoaki n ai aron nanon te Atua ma ana babaire; ao E a tia te Atua n rineira b'a ana aomata, ngkai ti katiteuanaki ma Kristo, i bukin oin nanona n ai aron are E a kaman tia ni baireia ma ngkoa mani moan rikini b'aai;

I-Ebeto 1:5

E a kaman tia ni baireia, n ai aroni kukurein nanona, b'a ti na natinaki i rouna iroun Iesu Kristo.