Ruka 10:17 - Te B'aib'ara

¹⁷ A oki uake itingaun ma te kim'areirei, ao a taku, “Te Uea, a aantaeka naba i roura taimonio n aram!”

Ruka 10:17 ပူးပေါင်းရင်းမြစ်များ

Mataio 4:24

E taona Turia ni kabuta rongorongon Iesu, ao a bane n uotaki nako Ina aomata aika aoraki n aekan aoraki nako ma maraki, ao akana taniaki irouia taimonio, ma akana iai aorakin aia iango, ma akana aki kona te nakonako; ao E kamaiuia.

Mareko 16:17

Ao akana onimaki, a kona n noraki irouia kanikina aikai: n Arau ao a na kanakoia taimonio; ao a na taetae n taetae nako;

Ruka 10:1

I mwini baikekei, ao te Uea, E rineia riki itingaun, ao E kanakoia ni kakauomaniia, b'a na ri moana nakoni kaawa ma taabo ake E na kawari.

Ruka 10:20

Ma e ngae n anne, ao kam na aki kakatonga n aei, ae a aantaeka i roumi anti; ma kam na kakatonga b'a a koreaki arami i karawa.”

Ruka 10:9

Kam na kamaiuia aoraki iai, ao kam na kangai nako ia, “E kaan nako imi Uean te Atua.”

Ruka 9:1

Ao E weteia uake tengauni ma uoman Iesu ni botiia, ao E anganiia te m'aaka ao te konaa ni kanakoia taimonio ao ni katoki aoraki naba.

I-Rom 16:20

E a kaani kamanatuan Tatan i aani waemi iroun te Atua, are e reke mai Rouna te raoi. E na mena iroumi ana akoi ara UEA are Iesu Kristo.

I-Ebeto 5:24

Ma aron te ekaretia ngkae e aan-taeka irouni Kristo, ao ai aroia naba ainenum'a b'a a na aan-taeka irouia oini buia ni b'aai ni kabane.