Ruka 10:16 - Te B'aib'ara

¹⁶ “Ane ongo i roumi, ao e ongo naba i Rou; ao ane e ribaingkami, ao e ribaai naba; ao ane ribaai, ao e ribaa naba Teuare E kanakomaiai.”

Ruka 10:16 ပူးပေါင်းရင်းမြစ်များ

Te Otinako 16:7

Nakon te moanibong ao kam na noora raitiitin ootan mimitongin te UEA. E a tia n ongo ngurenguremi nako Ina---kam aki ngurengure nako ira b'a ngaira bon ti taani kakoroi mwiin Ana babaaire.”

Te Otinako 16:8

Ao e taku Moote, “Bon te UEA ae na anganingkami te iriko are kam na kanna nakon te tairiki, n ai aron m'aitin te kariki ae kam kakanna n te ingabong, i bukina b'a E a tia n ongo m'aitin ngurenguremi nako Ina. B'a ngkana kam ngurengure nako ira, ao kam boni ngurengure iai nakon te UEA.”

Maraki 1:6

Iai te b'ai ae N na taekinna Ngai ae te UEA nakoia ibonga. A karineia tamaia naati ao a karineia aia toka taani m'akuri. Bon tamami ao ami toka Ngai, ao e aera ngkai kam aki karineai? Kam a tia ni katinanikuai ngkami aika ibonga, ao ngkai kam titiraki ni kaangai, “Ti katinanikuko n te aro raa?”

Warekaia Iteraera 14:11

Ao E taetae te UEA nakoni Moote ni kaangai, “I a tia ni karaoi b'aai aika a ab'ab'aki i bukiia aomata aikai, ao a rawa i Rou ngke a aki onimakina m'aakau.

Warekaia Iteraera 14:2

ao a ngurengure nakon Moote ma Aaron ao a taku, “E raoiroi riki ngke ti mate i Aikubita, ke n te tabo teuana i nanon te rereua!

Warekaia Iteraera 16:11

Kam aki kamangao nakon Aaron ma kam boni kamangao nakon te UEA.

Mataio 10:40

Ane m'aneingkami n akoingkami, ao e m'aneai n akoai; ao ane m'aneai n akoai, ao e m'anea n akoa Teuare kanakoai.

Mataio 18:5

Ane m'anea n akoa te teei ae ai aron aei, n arau, ao e m'aneai n akoai.

Mareko 9:37

“Ane m'anea n akoa te teei temanna mai buakoia ataei aikai i nanon Arau, ao e m'aneai n akoai; ao ane m'aneai n akoai, ao e aki m'aneai n ti Ngai, ma e m'anea n akoa naba Teuare kanakomaiai.”

Ruka 9:48

ao E taku nako ia, “Ane m'anea te teei aei n akoia i nanon arau, ao e m'aneai n akoai naba; ao ane m'aneai n akoai, ao e m'anea Teuare kanakomaiai; b'a ane mangori riki i buakomi, ao ngaia ane kakannato riki.”

Ioane 12:44

Ao E kanenea b'anaana Iesu ao E kaangai, “Ane onimakinai, ao e aki onimakinai, ma e onimakina Teuare kanakomaiai.

Ioane 12:48

Ane rawa nako iu, ao e aki kaaki i nanona au taeka, ao bon iai ae na motika taekana: taeka ake I atong a na riki b'a b'aini motikan taekana n te kabanea ni bong.

Ioane 13:20

Bon te koaua ni koaua ae I a tuangngkami, b'a ane m'anea n akoa ane I kanakoa, ao e m'aneai n akoai; ao ane m'aneai n akoai, ao e m'anea n akoa naba Teuare kanakomaiai.”

M'akuri 5:4

Ngke e tuai ni kaboaki, tiaki bon abam? Ao ngke e a tia ni kaboaki, ao tiaki b'a bon am b'ai m'anena? E aera ngkanne ngkai ko karekea i nanom b'a ko na karaoa aei? ko aki kewe nakoia aomata, ma ko kewe nakon te Atua!”

I-Karatia 4:14

E riki mamarau b'a te kangaanga nakoimi, ma kam aki kaota ae kam kakeaa bongana ke kam ribaia; ma kam m'aneai n akoai b'a kanga ai aron ana anera te Atua ngai, ao b'a kanga ai aroni Kristo Iesu.

1.I-Tetaronike 4:8

Ma ngaia are te aomata ae rawa nakon te taeka n reirei aei, ao e aki rawa nakon te aomata, ma e rawa nakon te Atua, are anganingkami Tamneina are Raoiroi.