Ruka 10:15 - Te B'aib'ara

¹⁵ Ao ngkoe, Kaberenaum, ko taku b'a ko na karineaki nako karawa? Ko na aki, ko na karinanoaki nako Eriti.

Ruka 10:15 ပူးပေါင်းရင်းမြစ်များ

Karikani B'aai 11:4

Ao a taku, “Ti nang karaoa ngkai te kaawa ae buubura ae iai tauana ae roota karawa, b'a ti na karekea atongara iai, ao ti na aki manga uamaae nako n te aonnaba.”

Itaia 5:14

E a tia ni kabanea uren wiina abaia maate ao e a bora n tataningaia taani kairiiri mai Ierutarem ma aia botannaomata aika a kakarongoa, ai moaraara riki koraki ake a kamoamoaaki n te kaawa are e buubura arei.

Ieremia 51:53

E ngae ngke a roota karawa oon nako B'aburon, ma e na urua te kaawa ae e buubura aei te taanga ni buaka ae N na karokoa. Bon aei Au taeka Ngai ae te UEA.

Etekiera 26:20

ao e na uotingkami nako rikaaki nako abaia maate, ike kam na raoniia iai aomatan ngkoa ma kaawa ake a uruaki ngkoangkoa. Kam na tiku ikekei kam na aki manga riki b'a te kaawa ae e manga kaainaki irouia aomata

Etekiera 31:18

Uean Aikubita, a na bane n riki baikai nakoim ma am aomata! Ti te bo ngkoe ma te aroka aei n te tai teuana—ko rietaata ma ni korakora riki nakoia aomata nako n te aonnaba. Ma ko na koreaki, n ai aron taian aroka ake n te nne n aroka are Eten ake a bon riai ni mate. Ko kanakoaki nakon aia aonnaba maate, ike ko na ikotaki iai.

Etekiera 32:18

Etekiera ae natin te aomata, ko na tanginiwenei i bukiia kaain Aikubita ao kabuakakaia nakon aia aonnaba maate, ike a na taunaki iai i rarikiia aomata mani botannaomata ake tabeua ake a korakora.

Etekiera 32:20

Ko aki konaa ni birinako! E tauraoi aia kabaang kairiribai n tiringingkami ni kabane.

Etekiera 32:27

E aki reke nakoia te taunaki ae e riai n aroia koraki aika a kakannato ni bong ake ngkoa, ake a taunaki ma aia kabaang i aan atuuia ma aia otanga i aon rab'ataia. Aikai aomata aika a kakannato ake a karekea te biu irouia aia kairiribai.

Ob'aria 1:4

E ngae ngke ko karaoa mwengam n taabo aika rietaata, n ai aron ngaon te ikare, n te aro are kaanga ko a mena i buakon itoi, ma N na bon katikiko naba rikaaki.

Mataio 10:28

Kam na aki makuia akana kamatea te rab'ata b'a a aki kona ni kamatea te aomata ni koaua ane i nanon te rab'ata; ma kam na maka Teuare kona ni kamatea i Keenna te rab'ata ma te aomata ni koaua ane i nanon te rab'ata.

Mataio 11:23

Ao ngkami aika kaaini Kaberenaum, kam taku b'a kam na tabekaki rake nako karawa? Kam na teweaki nako nako Eriti! B'a ngke arona b'a a karaoaki i Totom m'akuri aika kamimii aika karaoaki i Kaberenaum, ao e na bon aki mauna ni karokoa te bong aei.

Mataio 4:13

E kitana Natareta, ao E nako ni maeka i Kaberenaum are mena i rarikin te nama, n taabo ake abaia baronga ake Teburun ma Nabetari,

Ruka 13:28

Ane kam na tang ao kam na tenai riami ikekei ni kaota ae kam un, ngkana kam nora Aberaam, Itaaka, Iakob'a ma burabeti ni kabaneia n uean te Atua, ao ngkami kam teweaki nako tinaniku.

Ruka 16:23

ao ni menana i Eriti, ngke e taonaki n te maraki ae korakora, ao e tararake; ao e nora Aberaam b'a e mena i kiraroa ma Rataro i rarikina.

Te Tua-Kaua 1:28

Ti a rangi ni maaku i bukina b'a a taku koraki ake a nako n tuoa te aba b'a a rangi ni buubura kaawa akekei, ma ooia aika rietaata nako karawa. Ao a ab'ab'aki man korakora riki aomata ake a maeka ikekei nakoira, ao bon taian Anakim tabeman mai buakoia. Bon akea te tabo ae ti na nako iai.”

2.Betero 2:4

B'a E aki kamaiuia anera te Atua ake a bure, ma E teweia nako moone, ike a kabaeaki n taurekereke i nanon te rotongitong, ike a kabaeaki iai n taurekereke i nanon te roo b'a a na kawakinaki iai ni karokoa motikan taekaia.