Ruka 1:79 - Te B'aib'ara

⁷⁹ N anga te oota nakoia ake a mena n te roo ao n nuun te mate, ao te oota aei e na oota ao ni kairiira nakoni kawain te kamaiu.

Ruka 1:79 ပူးပေါင်းရင်းမြစ်များ

Iobi 10:22

are aban te roo, te nuu, ao te mangaongao, are kanga ai aron te rotongitong otana.

Iobi 3:5

Karikia b'a te bong ae rangi n rotongitong, ae uananginang, ae nubono matan taai iai.

Taian Areru 107:10

Iai tem'angina ake a kabureaki; a rawaawata b'a a kabaeaki n taurekereke aika biiti, Ao a katukaki n te rotongitong:

Taian Areru 107:14

E kaotinakoia man te rotongitong, ao E motimotiki kabaeaia.

Taian Areru 23:4

Ngkana tao I nakonako i nanon m'aruan nuun te mate, ao N na bon aki maaku, te UEA b'a Ko meemena i rarikiu. Am kai ao okom a kawakinai raoi man taian kabuanib'ai.

Taian Areru 25:12

A na reireiaki iroun te UEA akana ongeaba i rouna, Te kawai ae a riai n toua.

Taian Areru 44:19

Ma Ko katikuira b'a kanga maate ngaira i buakoia maan aika aki manana; Ko kakiira n te tabo ae rotongitong.

Taeka n Rabakau 3:17

E kakukureia te maiu te wanawana ao e kairiira ni kaawakiniira i aon kawaira.

Taeka n Rabakau 8:20

I aki toki ni kaakaraoa te raoiroi,

Itaia 42:16

N na kairiia aomata i aon taiani kawai aika a tuai atai; N na kaawakiniia i nanon te kawai aika a tuai man tootoua. E roo kawaia ao e aobuaka, ma n anga te oota b'a a aonga n aki toki waeia. Bon aei au berita ae e matoa.

Itaia 42:7

Kam na anga te noraaba nakoia aika a matakii; kam na kainaomataia buure man taian karabuuti aika a roo.

Itaia 48:17

ma taian rongorongo aika: Kaain Iteraera, Bon te UEA ae te Atua ae e tabu Ngai, are e kamaiungkami. bon i bukimi, I reireiningkami, ao I kairingkami i aon te kawai ni koaua.

Itaia 48:22

Ma e a tia te UEA ni berita b'a bon akea temanna ae e buakaka ae na maeka ma te rau.”

Itaia 49:6

Ao ngkai E taku te UEA nako iu “E aki tau nakoim am m'akuri ae ti au toro ngkoe. Ko na riai naba ni karaoa ae e m'aiti riki nakon anne ni kaokiia ake nikira ni maiu man barongan nako Iteraera. I a tia ni kaakiko ikai b'a kaanga te taura i bukiia botannaomata nako; ko na riai n anaa m'aakau ni kakamaiu nakoia aomata nako n te aonnaba.”

Itaia 49:9

Ko na kainaomataia buure man taiani kakai ake a rootongitong b'a a na noora ootan te ngaina. Ana kunei kanaia aika a m'aiti i aon kawaia n okira mwengaia, e ngae ngkana a mena i aon tabuki aika akea kain aoia.

Itaia 59:8

Kam aki ataa aron te maiu i nanon te rau ke karaoan ae e raoiroi nakoia tabem'aang. A b'aoua taiani kawai aika kam karaoi; ao e aki konaa n reke te rau irouia akana a iririingkami.

Itaia 9:2

A tia n noora te oota aomata ake a tia n nakonako i nanon te roo. Ao a oota nako i aoia ni kabane aomata ake a maeka n te aba are te kabanea n rootongitong nuuna.

Ieremia 2:6

A rawa ami bakatibu ni buubutiai buokaia, e ngae ngke I a tia i kamaiuia mai Aikubita ma ni kairiia i nanon te rereua ae e kamaamate ae akea kain aona, ike akea ae maeka iai ke ni kataia ni m'ananga i nanona.

Ieremia 6:16

E taku te UEA: Au aomata, ngkana kam tei n taian tutani kawai, I tuangkami ni kaangai, “Ira te kawai are a m'ananga naba iai ami bakatibu, ao e na reke iroumi te rau.” Ma kam rawa.

Mataio 4:16

A nora te oota ae te oota ae korakora aomata ake a tekateka n te roo; ao e kaoti te oota nakoia ake a tekateka i aban te mate ao i nuuna.”

Ruka 2:32

Ae te oota are na kaota nanom nakoia botannaomata ake Tientaire ao e na uota karineaia am aomata ake Iteraera.”

Ioane 1:9

Bon arei te Oota ni koaua, are E roko i aon te aba, ao E oota i aoia aomata ni kabaneia.

Ioane 12:46

I roko b'a te oota i aonnaba, b'a e na aki mena n te roo ane onimakinai.

Ioane 8:12

E a manga taetae Iesu nakoia aomata, ao E taku, “Ngai te oota nakoia aomata i aonnaba. Ane irai, ao e na bon aki nakonako n te roo, ma e na reke i rouna te oota are na anganna te maiu.”

Ioane 9:5

Ngkai I mena i aonnaba, ao te oota Ngai i bukin aonnaba.”

M'akuri 10:36

Kam ata te taeka are E kanakoa te Atua nakoia te botannaomata ae Iteraera, are taekan euangkerion te raoi i nanon Iesu Kristo, are aia UEA aomata ni kabaneia.

M'akuri 26:18

b'a ko na kaure mataia, b'a a na rairaki man te roo nakon te oota, ao mani m'aakan Tatan nakon te Atua, b'a e aonga n reke i rouia kab'aran aia bure ao neia i buakoia aomata ake a kaitiakaki n onimakinau.

I-Rom 3:17

A aki ata kawain te raoi.

I-Ebeto 5:8

B'a kanga te roo ngkami ngkoa, ma ngkai ai kanga te oota, ngkai kam a onimakina te UEA. Kam na nakonako n ai aroia natin te oota;