Ruka 1:69 - Te B'aib'ara

⁶⁹ Ao E katauraoa te tia Kamaiu ae m'aaka i bukira, ae kaain ana utu Tawita are ana toro.

Ruka 1:69 ပူးပေါင်းရင်းမြစ်များ

2.Tamuera 22:3

Bon te b'a Ngkoe ae kamaiuau. Bon otangau Ngkoe, au b'ai ni buaka ae e korakora, au tabo ni katantan. Ko kamaiuai ao Ko kaawakinai b'a N na aki ikoaki.

2.Tamuera 7:26

Ao ane E na tanoata iai taekam n aki toki, ao ane a na bane ni kaangai aomata, “E tautaekana Iteraera te UEA ae Moan te M'aaka, ao ana uea aika e rineia bon Tawita ma ana kariki nako.”

1.Uea 11:13

Ngkana I karaoa aei, ao N na anganna naba teuana te baronga b'a e na tautaekanna, i bukin au tia m'akuri are Tawita, ao i bukin naba Au kaawa are Ierutarem.

Taian Areru 18:2

Bon au b'a ni katantan ae rietaata ngkoe te UEA; Bon au nono ae matoatoa, ao te tia kamaiuai ngkoe; Bon Atuau ae nneu ni katanai ae I raba raoi i rouna; mairouia taan ribaai;

Taian Areru 89:17

Ko anganira te korakora are ti na kona iai n tokanikai i aoia aiara; Ko katokanikaira i bukina b'a Ko tangirira.

Taian Areru 89:3

E taku am Taeka, “I a tia ni karaoa au boraraoi ma te aomata are I rineia; I a tia ni kab'aka au taeka nakon au toro are Tawita, ni kaangai,

Ieremia 30:9

Ao i mwiina, kam na riki b'a au tia m'akuri, ao N na rinea te uea maibuakomi man ana utu Tawita.

Etekiera 29:21

Etekiera, ngkana e taenikai Aikubita, N na manga kakorakoraia Iteraera, ao N na anganiko te m'aaka n taetae nakoia. Ao ane ko na ataai iai b'a boni Ngai ae te UEA ae I karaoi baikai.

Amota 9:11

E taku te UEA, “E na roko te bong are N na manga kaoka iai uean Tawita b'a kaanga ai aron te bata ae b'aka n uruaki, ao N na manga katei oona ma b'aina nako. N na kateia ni kaoka arona are rimoa,

Mataio 1:1

Bokin araia ana bakatibu nako Iesu Kristo, are riki mairoun Tawita are riki mairoun Aberaam.

Mareko 11:10

Te Atua, kakab'aia rokon uean te uea are Tawita, are tamara! E na neboaki te Atua!”

Te Kaotioti 22:16

“Ngai ae Iesu, ae I kanakoa au anera b'a e na kaoti baikai nakoimi i nanon ekaretia nako. Boni kanoan Tawita Ngai, ao te Itoi ni Ngaina ae oota m'aaka Ngai.”

1.Tamuera 2:1

Ao e tataro Nei Anna: Ko kakorakoraai ma ni kakukureiai, te UEA Ko kamaiuai. Ao ngkai I kim'areirei ao I ngareakiniia au kairiribai.

1.Tamuera 2:10

Ara UEA, a na maaerikiriki aomata aika buakaniko ngkana Ko buakaniia ma rebwen te baa mai karawa. Ko na motika taekan te aonnaba ae b'anin ao Ko na anga te m'aaka ma te korakora nakon am uea ae rineaki.