Ruka 1:67 - Te B'aib'ara

⁶⁷ Ao e kaonaki tamana are Takaaria iroun te Tamnei are Raoiroi, ao e taetae n ai aron te burabeti ni kangai,

Ruka 1:67 ပူးပေါင်းရင်းမြစ်များ

2.Tamuera 23:2

E a tia Tamnein te UEA n tuangai te b'ai ae N na taekinna.

Ioera 2:28

Rimwi riki, N na anga Tamneiu nakoia aomata nako. A na riki ni burabeti natimi m'aane ma natimi aine. A na mii taiani mii ami unim'aane, a na noori taiani kaotioti ami rorobuaka n ataei.

Warekaia Iteraera 11:25

Ao ngke E taetae te UEA ma ngaia, ao te UEA, E anaa te m'aaka teutana mairoun Moote, ao E anganiia taani kairiri ake 70. Ao ngke a niniaki n te Tamnei, ao a takaarua n ai aroia burabeti. Ma bon ti aei te tai are a karaoa iai te aro aei.

Ruka 1:15

b'a ane e na kakannato i matan te Uea, ao e na aki nima te wain ae kamanging ke mooi aika matoatoa, ao e na kaonaki n te Tamnei are Raoiroi, man te tai are e mena iai i nanon biroton tinana.

Ruka 1:41

Ngke e ongo Nei Eritabeta ana kamauri Nei Maria, ao te teei are i nanoni birotona, e rina ni kamm'akuri; ao e kaonaki Nei Eritabeta n te Tamnei are Raoiroi

M'akuri 2:4

A bane ni kaonaki n te Tamnei are Raoiroi, ao a taetae n taetaen aaba tabeua, n ai aron are E anganiia te Tamnei b'a a na taetae iai.

M'akuri 2:8

Ao e aera ngkai ti bane n ongo n taetaen abara nako ake ti bungiaki iai?

M'akuri 9:17

Ao e nako Anania n rin n te auti arei, ao e katokaa baina i aon teuarei, ao e kaangai, “Tauro ae tariu, E kanakomaiai te UEA are Iesu, are kaoti nako im i nanon te kawai, ngke ko nako mai, b'a ko aonga ni manga noraba, ao ni kaonaki n te Tamnei are Raoiroi.”

2.Betero 1:21

b'a bon akea te taetae ni burabeti ae roko n te tai teuana man oin nanon te aomata; ma aomata a taekina te taeka are roko mairoun te Atua, ni kairaia iroun te Tamnei are Raoiroi.