Ruka 1:65 - Te B'aib'ara

⁶⁵ Ao a rotaki n te maaku aomata nako ake a maeka i rarikin Takaaria ma Nei Eritabeta; ao a taekinaki baikai ni kabane n taabo ake a tabukibuki i Iutaia.

Ruka 1:65 ပူးပေါင်းရင်းမြစ်များ

Mataio 2:1

Ngke E bungiaki Iesu i Betereem i Iutaia n ana bong n uea Erote, ao noria, a roko i Ierutarem taan rabakau mai mainiku, ao a taku,

Ruka 1:39

E aki maan i mwina, ao e tei rake Nei Maria ao e kawaetata n nako n te kawa teuana ae mena n te tabo ae tabukibuki i Iuta,

Ruka 2:18

ao ake a ongo, a mimi n te baere a taekinna taani kawakin tiibu nako ia.

Ruka 5:26

A bane ni mimi aomata, ao a kamoamoa te Atua ma nanoia aika on n te maaku. A taku, “Ti a nori baika kamimii n te bong aei.”

Ruka 7:16

Ao a bane n rotaki n te maaku; ao a kamoamoa te Atua ni kangai: “E kaoti te burabeti ae kakannato i buakora! Ao, E kawariia ana aomata te Atua.”

M'akuri 19:17

E a ataaki te baei irouia I-Iutaia ma I-Erene ni kabaneia ake a maeka i Ebeto, ao a rangi ni maku; ao e neboaki aran te UEA are Iesu.

M'akuri 2:43

E karaoi m'akuri aika kamimii ma kanikina te Atua irouia taan tuatua, ao a taonaki aomata n te maku.

M'akuri 5:11

Ao a taonaki n te maku kaain te ekaretia ni kabaneia, ni botaki ma aomata nako ake a ongo taekani baikekei.

M'akuri 5:5

Ngke e ongo taeka aikai Anania, ao e b'aka b'a e mate; ao a taonaki n te maku ae korakora aomata ake a ongo taekan te baei.

Iotua 10:40

E taua aonteaba ni kabuta Iotua. E bane ni konaia uean aaba ake a tabukibuki, ma aaba ake a rinano ake i maeao, ake n Rereuan Maiaki ao n te aono are e karaabee rikaaki nakon Taari are Mate. Bon akea ae e kamaiua, b'a e bon bane n tiringiia b'a bon ana mwioko te UEA ae Atuaia Iteraera.

Iotua 10:6

A kanakoa aia taeka aomatan Kibeon nakon Iotua ngke e kaemb'a i Kirekara ao e kaangai, “Tai kitaniira, taiaoka kawaekoa n nakomai ni kamaiura, b'a a kabooi nanoia uean Amoraite ake aaba akea tabukibuki ni buakaniira.”

Te Kaotioti 11:11

Ma i mwin tenua ma te iterana te bong ao e nako mairoun te Atua te ikeike-ni-maiu, ao e rin i nanoia; ao a teirake i aoni waeia, ao ake a tarataraia a rotaki n te maku ae korakora.