Ruka 1:64 - Te B'aib'ara

⁶⁴ N te tai naba arei ao e oki arona n taetae ao e a kona te kam'akura newena, ao e taetae n neboa te Atua.

Ruka 1:64 ပူးပေါင်းရင်းမြစ်များ

Taian Areru 51:15

Buokai b'a N na taetae, Ao N na neboiko.

Te Otinako 4:11

Ma E kaeka te UEA ni kaangai, “Antai ae e kataetaeia aomata ke ni kataningabonoia ke ni kabae neweia ke ni kamatakiia?

Itaia 12:1

Ko na kaangai n te tai arei. “I kaaitauko te UEA! ko un ngkoa irou, ma e a toki unim ao ko a anganai te mweraoi.

Ieremia 1:9

E kanakoa baina te UEA, ao e riinga wiiu ao e taku, “I anganiko taeka aika ko na taekin,

Etekiera 29:21

Etekiera, ngkana e taenikai Aikubita, N na manga kakorakoraia Iteraera, ao N na anganiko te m'aaka n taetae nakoia. Ao ane ko na ataai iai b'a boni Ngai ae te UEA ae I karaoi baikai.

Etekiera 3:27

Ma e na roko te tai are N na tuangko iai te b'ai ae ko na taekinna, ao ane ko na manga konaa n taekina Au rongorongo. Ane a na ongo tabeman, ao tabeman a na bonotaninga ma n rawa n ongo.

Etekiera 33:22

E niniai te UEA n te tairiki are i m'aain rokon te aomata aei n au auti. Ma ngaia are ngke e roko te m'aane aei irou n te ingabong are i mwiina, ao I a manga konaa n taetae.

Mataio 9:33

Ngke e a tia ni kanakoaki te taimonio, ao e taetae teuare babanga taetae; ao a mimi aomata, ao a taku, “E tuai man nonoraki te b'ai ae ai aron aei i buakoia Iteraera!”

Ruka 1:20

Ao noria, ane e na bua b'anaam ao ko na aki kona n taetae ni karokoa te bong are a na kakoroaki iai nanoni baikai, i bukina b'a ko a tia n aki kakoauai au taeka aika a na kakoroaki bukiia ngkana a roko taiia.”