Ruka 1:53 - Te B'aib'ara

⁵³ E katoki nanoia akana aki kaub'ai ni baika raraoi, ao E kanakoia akana kaub'ai n aki kab'aib'aia.

Ruka 1:53 ပူးပေါင်းရင်းမြစ်များ

Taian Areru 146:7

E kaeti raoi taekaia akana karawaawataaki, ao E anganganiia akana baki kanaia. E kainaomataia akana kabureaki te UEA

Taian Areru 34:10

A kona raian ataei ni baki b'a akea kanaia, ma akea te b'ai ae e raoiroi ae na aki reke irouia akana ongeaba iroun te UEA.

Etekiera 34:29

N na karika aia tawaana b'a a na kariki taiani uita aika a m'aiti, b'a a aonga n aki manga baki ke ni ngareakinaki irouia ianena.

Mataio 5:6

A a kab'aia akana b'aruua te raoiroi mani kani mooi iai b'a a na ngae.

Ruka 1:54

E buokia Iteraera ake ana toro, ao ni kateimatoa ana nanoanga nako ia ana aomata n aki toki,

Ruka 6:21

Kam a kab'aia ngkami akana kam baki ngkai, b'a ane kam na nuai. Kam a kab'aia ngkami akana kam tanginiwenei ngkai, b'a ane kam na ngarengare!

Ruka 6:24

Ma a na reke kaimi ngkami akana kam kaub'ai, b'a a tia n reke karauan nanomi.

Ioane 6:35

E taku Iesu nakoia, “Boni Ngai te am'arake ni kamaiu; ane nako iu ao e na bon aki manga kona ni baki, ao ane onimakinai ao e na bon aki taka.

1.I-Korinto 1:26

Taari, kam na uringi aromi ngke kam moa ni weteaki iroun te Atua. B'a kam aki iangoaki irouia aomata n te aonnaba aei b'a a bati ami koraki aika rabakau. Ti tem'angina i buakomi aika iai nakoaia aika kakannato, ao tem'angina naba aika nako man utu aika iai karineaia ni katein te aba.

1.I-Korinto 4:8

Kam a kaman rauaki! Kam a kaman riki b'a kaub'ai ngkami! Kam a tia n riki b'a uea, ao ngaira b'a aomata aika akea wareia. Kam bia bon riki b'a uea ngkami, b'a ti aonga n uea naba ma ngkami.

1.Tamuera 2:5

Aomata ngkoa ake a m'aiti kanaia a nang kabooi nako ngkai rab'ataia ti i bukin te m'akoro ni kariki. Ma Ko anganiia aika akea kanaia te am'arake ae moan te bati. Te aine ae akea natina, Ko anganna itiman natina, ma te aine ae m'aiti natina e tiku ma akea natina.