Ruka 1:51 - Te B'aib'ara

⁵¹ E karaoi m'akuri aika m'aaka ni baina, E kamaaeia nako akana kainikatonga n iangoan nanoia.

Ruka 1:51 ပူးပေါင်းရင်းမြစ်များ

Karikani B'aai 11:8

Ao E kauamaenakoia te Atua ni kabutaa te aonnaba, ao e a toki karaoan aia kaawa ae buubura arei.

Karikani B'aai 6:5

Ao ngke E noori aia m'akuri aika buakaka aomata ni kabane n te aonnaba te Atua, ma aia iango aika kammaira n taai nako,

Karikani B'aai 8:21

E kakukureia te Atua boiararan te karea aei, ao E taku te UEA i boni nanona, “N na bon aki manga karokoa te rekenikai n te aonnaba i bukin aia m'akuri aomata, b'a bon anuani maiuia karaoan te bure ma ngke a moan rikirake. N na bon aki manga kamaunai b'aai aika maiu ni kabane n aron ae I a tia ni karaoia n te tai aei.

Taian Areru 118:15

Man aia kaemb'a ni maeka ana aomata te Atua ao e roko te takakaa n tokanikai ni kaotia b'a E reke aei iroun te UEA ni m'akana ae korakora!

Taian Areru 33:10

E uru aia iango botannaomata te UEA ake a tia ni bairei b'a a na karaoi, Ao E tukiia b'a a na aki kakoroi bukiia.

Taian Areru 52:9

N na katituaraoiko n aki toki i bukin are Ko a tia ni karaoia; N na kamoamoa aram ae e raoiroi ngkana a bootaki am Aomata.

Taian Areru 63:5

E na rauaki nanou kanga n te am'arake ae kangkang; Ao N na anene ma te kukurei n neboiko.

Taian Areru 89:10

Ko kamanatua Raaba ao e tiringnga; Ko katae aia kai am Kairiribai ni korakorani m'aakam.

Taian Areru 89:13

Ai m'akara Ngkoe! Ai kamakuraa korakoram!

Taian Areru 98:1

Kam na anenea te anene ae boou nakon te UEA; B'a E a tia ni karaoi baika kamimii! E reke i rouna te tokanikai n oini m'akana n Atua ao ni korakorana.

Te Otinako 18:11

I a bon ataia ngkai b'a E boni korakora riki te UEA nakoia atua nako, i bukina ngke E karaoa aei ngke a karaoa te m'akuri ae buakaka kaain Aikubita nakoia Iteraera.”

Itaia 40:10

Nooria! E a roko te UEA ae te Atua ae e rangi ni M'aaka b'a E na tautaeka ma baina ae e korakora. Uotana te b'ai ake e a tia n uotia nakon te buaka, ao E anganiia ana Aomata kaniwangaia.

Itaia 51:9

Uti! buokiira te UEA. Ko na korakora ao tauraoi. Uti! Karaoa te b'ai are ko a tia ni karaoia nakoia am Aomata n taai ake ngkoa. Ko bon aki tataa Raaba are te mannikaakang?

Itaia 52:10

E a tia te UEA ni kaota korakorani m'aakana nakoia botannaomata ni kabane; a bane aomata n noora m'aakan Atuara ni kakamaiu.

Itaia 63:12

E M'aati m'aakan te UEA i rarikin Moote. E na neboaki te UEA n aki toki i bukin bwenauaakin taari.

Ieremia 49:15

E na rangi ni uarereke ami botannaomata, ao e na bon ribaaki irouia botannaomata ni kabane.

Taniera 4:37

Ma ngaia are ngkai, I neboa Ueani karawa ngai ae Nebukaneta, ao ni karinea ma ni kamoamoa ueani karawa. A bane ni koaua ma n eti baika E karaoi, ao E kona ni karinanoa te aomata ae e kainikatonga.”

I-Rom 1:21

A ata te Atua, ma a aki anganna neboana ngkai te Atua Ngaia, ao a aki kaitaua; ma a riki aia iango b'a baika akea bonganaia, ao a karooaki nanoia aika aki wanawana.

2.I-Korinto 10:5

ma aaro ni kainikatonga nako aika tutuki man ataakin te Atua; ao ti kataenikai naano ni kabane b'a a na ongo irouni Kristo;

1.Betero 5:5

Ao i bukimi ngkami aika kam ataei riki: kam na aan-taeka irouia unimm'aane. Ao kam na b'aina te nanorinano n aromi n i torotoro iroumi; b'a e kaangai te B'aib'ara: “B'a E ekianako akana kainikatonga te Atua, ao E akoia akana nanorinano.”

Te Kaotioti 18:8

Ma ngaia ae a na roko baika kamamate i rouna n te bong ae ti te bongina, ae te aoraki ae kamamate, ma te nanokawaki ae bati, ma te rongo; ao e na kabuokaki ni kabaneaki n te ai; b'a E m'aaka te Uea ae te Atua ae motika taekana.