Ruka 1:46 - Te B'aib'ara

⁴⁶ Ao E taku Nei Maria, N na neboa te Atua n nanou ni koaua,

Ruka 1:46 ပူးပေါင်းရင်းမြစ်များ

Taian Areru 35:9

Ao N na kakatonga i bukin te bae E a tia ni karaoia te UEA; N na kim'areirei b'a E a tia ni kamaiuai.

Itaia 45:25

Bon te UEA Ngai, ae e na anga te tokanikai ao te karineaki nakoia Iteraera.”

Itaia 61:10

N na karaoa au bootaki ni kukurei ao n takaarua i bukin au UEA ae te Atua. I a kunnikaiai ni m'aakan ana m'akuri ni kakamaiu ao ana motikitaeka ae Eti. A rangi n tamaroa riki nakon b'aai ni katamaroa aika a b'aab'ainaki iroun te kabae te aine ke te kabae te m'aane.

I-Rom 5:11

Ao tiaki ti ngaia, ma ti kakatonga iroun te Atua i nanon ara UEA are Iesu Kristo, are ti karekea mai Rouna raoiakinara ngkai.

1.I-Korinto 1:31

n ai aron are koreaki ni kangai: “Ane kamoamoa, ao ke e kamoamoa iroun te UEA.”

2.I-Korinto 2:14

Ma e na katituaraoaki te Atua, are Ngaia ae aki toki ni kairira irouni Kristo n te m'aati n tokanikai; ao E kabonganaira ngaira aika taani kabuta ataakini Kristo nakon taabo nako b'a kanga ai aron te boi ae boiarara.

I-Biribi 3:3

B'a boni ngaira ma ngkami kaain te korotabonim'aneaki ni koaua, aika ti taromauria te Atua iroun Tamneina, ma ni kamoamoa irouni Kristo Iesu, ao ti aki onimakina te rab'ata,

I-Biribi 4:4

Kam na kim'areirei ngkai kam reitaki ma te UEA n taai nako; ao N na manga atonga riki ae kaangai, Kam na kim'areirei.

1.I-Tetaronike 5:23

Ao Atuan te raoiroi E na karaoingkami b'a kam na riki n ai arona n aromi nako; ao a na kawakinaki tamneimi, ma maiumi, ma rab'atami, b'a a na aki konaki ni kabuakakaki i matan ara Uea are Iesu Kristo.

1.Betero 1:8

are kam tuai n noria, ma kam tangiria naba; are kam aki noria ngkai, ma kam onimakinna naba, ao kam kim'areirei n te kim'areirei ae rangi ni bati ae aki konaaki ni kab'araki arona n taian taeka;