Ruka 1:36 - Te B'aib'ara

³⁶ Ao noria, e a tia am koraki are Nei Eritabeta ni bikoukoua te nati te mm'aane ngkai e a boni kara; ao ai ana kaonoua n nam'akaina aei ni bikoukou neiere atoatongaki b'a e kanoabo.

Ruka 1:36 ပူးပေါင်းရင်းမြစ်များ

Karikani B'aai 11:30

Ao e aki kakariki Nei Tarai.

Karikani B'aai 16:1

Ao e tuai mani karika natin Aberam Nei Tarai are buuna. Ma bon iai ana toro te aine Nei Tarai ae kaain Aikubita ae arana Nei Aka,

Karikani B'aai 18:11

A bon rangi ni kara Aberaam ma Nei Taara, ao e a m'akoro Nei Taara.

Karikani B'aai 21:2

ao e a bikoukou, ao e bungiia natin Aberaam te mm'aane ngke e a bon kara Aberaam. E bungiaki te tei arei ni bon te tai are e taekinna te UEA b'a e na bungiaki iai.

2.Uea 4:17

Ao e bikoukou neierei, ao n te ririki are i mwiina ao e bungiia natina te m'aane n ai aron te tai are e taetae iai Eritai nako ina.

Te Minita 3:2

Iai te tai i bukin te bungiaki ao te mate, te tai n ununiki ao te tai ni bobooti uaa,

Ruka 1:35

E taku te anera nako ina, “Ane E na ruoniko te Tamnei are Raoiroi, ao ane e na rabuniko m'aakan te Atua are Moan te Rietaata; ma ngaia are te teei ane na bungiaki, E na atongaki b'a Raoiroi, ae Natin te Atua.

Ruka 1:37

B'a akea te b'ai teuana ae na aki konaki ni karaoaki iroun te Atua.”

Ruka 1:5

I nanon ana tai n uea Erote, are ueani Iutaia, ao iai te ibonga temanna ae arana Takaaria, ae kaain te utu n ibonga are Abiia; ao buuna e riki man ana utu Aaron mairouia natina ake aine, ao arana Nei Eritabeta.

Ebera 11:11

I bukin ana onimaki Nei Tara, ao e reke i rouna te kona ni kariki, e boni ngae ngke e a rangi ni kara. E taku b'a E kakaonimaki Teuare anganna te taeka n akoi;