Ruka 1:18 - Te B'aib'ara

¹⁸ Ao e taku Takaaria nakon te anera, “Tera te b'ai ae N na ataia iai b'a e koaua anne? B'a I a unimm'aane ao e a kara buu.”

Ruka 1:18 ပူးပေါင်းရင်းမြစ်များ

Karikani B'aai 15:8

Ma e kaeka Aberam, “Te UEA ae Moan te M'aaka, N na kanga n ataia b'a ai bon abau?”

Karikani B'aai 17:17

Ao e bobaraaki Aberaam ni kabo matana ma aontano, ma e ngare n ana iango ae kaangai, “E koaua b'a e kona ni kariki te aomata ngkana ai tebubua ana ririki ni maiu? E kona ni kariki Nei Taara ngkai ai ruabwi ana ririki?”

Karikani B'aai 18:12

Ma ngaia are, e ngare Nei Taara i nanona, ao e taku, “E koaua b'a e kona ni manga kukurei nanou ni wene ma buu? Ao i rarikina, e a bon rangi ni kara naba buu?”

2.Uea 7:2

Ao e kaeka mataniwiia aobitia are e mena i rarikin te uea ikekei ao e taku, “I aki kakoauaa. E ngae ngkana e kanakoa naba te karau ae moan te korakora te UEA, ao e na bon aki konaa naba n reke te aekaki ni m'aiti ni uita anne mai i mwiin ngkai ni karokoa te ingabong.” Ao e kauringa Eritai ao e taku, “Ane ko na noora koroni bukina ma ko na aki kana naba te am'arake teutana mai iai.”

Itaia 38:22

Ao i mwiina, e a kakaaea te kakoaua Etekia b'a e na manga taromauri n ana Tembora te UEA.

Ruka 1:34

E taku Nei Maria nakon te anera, “E na kanga n riki aei, ngkai I tuai n iein?”

Ruka 1:7

Akea natiia b'a e kanoabo Nei Eritabeta, ao a uaia ni kara.

I-Rom 4:19

Ao e aki kerikaaki ana onimaki ngke e iangoa rab'atana b'a kaanga e mamara ngke tao tebubua ana ririki; ao ngke e iangoa naba aron Tara n aki kona ni kariki.