Ruka 1:17 - Te B'aib'ara

¹⁷ ao ane e na ri moan te Uea ma te nano ae korakora ao ae m'aaka n ai aron are iroun te burabeti are Eria, b'a e na kaoki aroia n reitaki ae tamaroa kaaro nakoia naati, ao ake a aki ongeaba nakoni wanawanaia aomata ake a raoiroi. Ane e na buoki nanoia aomata b'a a aonga n tauraoi i bukin te Uea.”

Ruka 1:17 ပူးပေါင်းရင်းမြစ်များ

1.Uea 17:1

Eria bon te burabeti mai Titibe i Kireata. Ao e nakon Aaba n te bong teuana ao e taku, Bon ana Toro te UEA ae E maiu, ae Atuan Iteraera ngai. Ao I tuea n arana b'a e na bon aki b'aka te karau ni karokoa te tai are I a manga taetae iai b'a e na b'aka. Ao a na bon akea naba te aoi ae e na ruo nako aon te tano.

1.Uea 18:18

Ao e taku Eria, Tiaki ngai te tia kakiriwe ae moan te buakaka ma boni ngkoe. Boni ngkoe ma am utu aika kam aki ongotaeka nakon ana Tua te UEA ngkai kam taromauria B'aara.

1.Uea 21:20

ao e taku Aaba, “Au kairiribai, I a reke raoi iroum ngkai.” Ao e taku Eria: Eng, ko a reke irou. Aaba, ko a tia ni kataia ni karaoi b'aai aika E aki kukurei te UEA iai.

2.Uea 1:16

Ao ngke e roko Eria ao e tuanga Aatia ni kaangai, “E kan ataia te UEA b'a bukin tera ngkai ko kanakoia am taan uarongorongo nako Ekiron b'a e na titirakina atuaia are Beretebub'a i bukin ikoakim. Ko aki kakoauaa ae iai te Atua i aon Iteraera? Aatia, ngkai ko kanakoia am taani uarongorongo akanne, ao e taku te Atua b'a e na aki reke marurungim. Ko nangi mate”.

1.Rongorongo 29:18

Karaoira b'a ti na kan angaanga, ao buokiira b'a ti na kakaonimaki nakoim, n ai aroia ara bakatibu ake Aberaam, Itaaka, ao Iakob'a ake a kakaonimaki n taromauriiko.

2.Rongorongo 29:36

A rangi ni kukurei Etekia ma kaain Iuta, i bukina ngke e a tia te Atua ni buokiia ni kariki baikai n te tai ae e waekoa.

Taian Areru 10:17

Te UEA, Ko na ongo aia buubuti akana mangori; ao Ko na kakorakorai nanoia.

Taian Areru 111:10

Ongeaba ao karinea te UEA! Bon aio te moani m'aneka nakon te wanawana ma te iango ae raoiroi. E na teimatoa ni karineaki te Atua.

Taian Areru 78:8

A na aki katotongiia aia bakatibu, ake te roro n aki ongotaeka ma n rawa ni kan aan-taeka, Ake a tuai man nene onimakinan te Atua irouia, Ao a tuai naba n teimatoa ni kakaonimaki nakoina.

Itaia 29:24

Ane a na ataia aomata ni kabane akana a mangaongao aia iango, ao ane a na ongotaeka n Au reirei akana a tia ni ngurengure.”

Amota 4:12

Ao ngkai Iteraera, N na katuaai ngkami katauraoi ngkami ni kaaitaraa Atuami!

Mataio 11:14

Ao ngkana kam kani kaki i nanomi, ao bon Eria are nangi roko teuarei.

Mataio 14:4

B'a e a tia ni kangai Ioane nakon Erote, “E aki riai i aan te tua b'a ko na buuna Eroria!”

Mataio 3:3

Boni ngaia teuare taekinaki iroun te burabeti are Itaia ngke e kangai, “B'anaan temanna ae takarua n te rereua, ‘Katauraoa kawain te Uea; Kaeti kawaina nako!’ ”

Mataio 3:4

E kunnikaia Ioane ni buraen te kamero; ao e b'aina te roo ae te kau b'a kabaean nuukana; ao kanana rokati ma aia karewe manibeeru.

Ruka 1:16

Ane e na kaokiia Iteraera aika bati b'a a na manga ira nanon te Uea ae Atuaia,

Ruka 1:76

Ao ngkoe, ae natiu, ko na atongaki b'a ana burabeti te Atua are Moan te Rietaata; Ko na nako n ri moan te Uea ni katauraoi b'aai ni kabane i bukina.

Ioane 1:13

ake a bungiaki tiaki n aroia ataei ake a riki mairouia tamaia aika aomata; ma E karikiia te Atua b'a natina.

Ioane 1:34

I a tia n noria ao n tataetae ni kakoaua i bukina: bon Natin te Atua Ngaia.”

Ioane 3:28

Bon taani kakoaua ngkami i buku n au taeka ake a kaangai, ‘Tiaki te Kristo ngai, ma I kanakoaki n ri moana.’

M'akuri 10:33

Ma ngaia are, I a kanakoia naba aomata nako im; ao iai nanom ae e raoiroi b'a ko roko. Ma ngaia ae ti bane ni mena ikai i matan te Atua, b'a ti na ongora ni b'aai ni kabane ake ko tuangaki mairoun te UEA.”

I-Rom 9:23

E kaota aron neboakina ngke E nanoangaiia aomata ake E a tia n rineia b'a a na reke naba tib'angaia n neboakina.

I-Korote 1:12

ao b'a kam na katituaraoa te Tama, are karaoingkami b'a kam na tau ni karekea tib'angami n te baere E a tia ni kawakinna te Atua b'a aia b'ai ana aomata aika itiaki ake n te oota.

2.Timoteo 2:21

Ma ngaia aei, b'a te aomata ane kaitiakia mani baike a buakaka, ao e na riki b'a ai aron te m'angko are b'ain te botaki ae kakannato. E na katabuaki maiuna b'a ana b'ai ana Toka, ao e na kakukureia nanon ana Toka. E a tauraoi ni kabonganaki i bukini m'akuri nako aika raraoi.

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

1.Ioane 2:28

Ma ngaia aei, ngkami aika ataei aika kam uarereke, kam na nim ma Ngaia; b'a ngkana E a manga oki Kristo, ao ti na aki maaku ma ni kaota ae ti rangi ni mamaa i Rouna i matana.

Te Kaotioti 20:4

Ao I noori kaintokanuea ma ake a tekateka i aoia b'a a anganaki te kona ni motiki taeka: bon aomataia ni koaua te koraki ake a tia ni mate ngke a kabakuaki i bukin tataekinan te koaua are E kaotiotia Iesu, ao i bukin tataekinan ana taeka te Atua. A aki taromauria te man are tiritiri, ao a aki taromauria naba te bouananti are katotongana; a aki kanikinaeaki ram'aia ma baiia n ana kanikina te man arei; ao a maiu, ma n uea ma te Kristo tengaa te ririki.

1.Tamuera 7:5

Ao e taku Tamuera, “Tuangiia Iteraera ni kabane b'a a na bootaki ni kabowi i Mitib'a, ao N na tataro nakon te UEA i bukimi.”