Ruka 1:13 - Te B'aib'ara

¹³ Ma e taku te anera nako ina, “Tai maaku, Takaaria! b'a E ongo am tataro te Atua, ao buum ae Nei Eritabeta, ane e na bungia natim te mm'aane, ao ko na aranna b'a Ioane.

Ruka 1:13 ပူးပေါင်းရင်းမြစ်များ

Karikani B'aai 17:10

A na riai ni kariaia kanoam b'a a na koroi tabonim'aneia aia mm'aane akana i buakoia.

Karikani B'aai 17:19

Ma E taku te Atua, “Tiaki ngaia anne, ma e na kariki Nei Taara are buum, ao e na karika natim te mm'aane, ao ko na aranna b'a Itaaka. N na kawakina au Berita ma ngaia, ao kanoana ana kaawakinna n aki toki. Bon te berita ae akea tokina.

Karikani B'aai 18:14

Iai te b'ai ae kangaanga iroun te UEA? N aron are I a tia n taekinna, ao ruaiwa te nam'akaina mangkai, ao N na manga okirikaaki, ao e na reke natin Nei Taara te mm'aane.”

Karikani B'aai 25:21

Ao e tataro Itaaka nakon te UEA i bukin Nei Rebeka, i bukina ngke e aki kakariki. Ao E kaeka ana tataro te UEA, ao e a bikoukou Nei Rebeka.

Taian Areru 113:9

E kakukureia te aine ae kanoabo man anganna ana kariki ni karikiia natina. Takaruaea kamoamoaan te UEA!

Taian Areru 118:21

Te UEA, I neboiko, i bukina ngkai Ko kaekai au tataro ao ko kamaiuai

Itaia 8:3

I mwiin tabeua te tai, ao e a reke natira te m'aane mai roun buu, ao e taku te UEA, “Aranna b'a Mae-Tara-Ati-Bati.

Taniera 10:12

Ao e taku nako iu, “Taniera, ko na aki maaku. E ongo am tataro te Atua ni moa man te tai are ko a tib'a iangoa iai reken am atatai. Ao I a roko ngkai i bukin kaekaan am tataro.

Otea 1:4

Ao E taku te UEA, “Otea, aran natim te m'aane bon Ietireera, b'a N na katuaaea ana kariki uean Iteraera are Ieu n te tai ae e aki maan i bukin te m'akuri n tiritiri are e karaoia n te M'arua are Ietireera. N na kamaunaa abanueana,

Otea 1:6

Tabeua te tai i mwiina, e a manga riki natin Nei Komera te aine, ao E taku te UEA, “Aranna b'a Nei Roo-Ruam'a, b'a N na aki manga akoi teutana ao ni kab'araa ana bure Iteraera.

Mataio 1:21

Ane e na bungia te nati te mm'aane, ao ko na aranna b'a Iesu, b'a Ngaia ae na kamaiuia aomata man aia bure.”

Mataio 14:27

Ma E waekoa Iesu n taetae nako ia, ao E taku, “Kam na karau nanomi, boni Ngai; tai maaku!”

Mataio 28:5

Ao e taku te anera nakoia aine akekei, “Kam na aki maaku, b'a I ataingkami b'a kam ukoukora Iesu are kamateaki n te kaibangaki.

Mareko 16:6

Ao e taku nako ia, Kam na aki mimi; I ataia b'a kam ukoukora Iesu are te I-Natareta, are E kamateaki n te kaibangaki. E a manga uti, akea ikai; nora te tabo are a kawenea iai rab'atana.

Ruka 1:14

Ane ko na kaonaki n te kukurei ae moan te bati, ao ane a na kim'areirei aomata aika bati ni bungiakina;

Ruka 1:30

E taku te anera nako ina, “Tai maaku, b'a E a reke i roum te akoaki mairoun te Atua.

Ruka 2:21

Ngke e a koro wanua te bong, ngke e a roko ana tai te teei ni kaitiakaki, ao e a aranaki b'a Iesu, are te ara are e anga te anera i m'ain rikin Iesu i nanon te biroto.

M'akuri 10:31

ao e kaangai, ‘Korenerio! E ongo am tataro te Atua, ao a ururingaki am m'akuri n tituaraoi i matana.

Tani Motiki-taeka 6:23

Ao E taku te UEA nakon Kiteon, “Karaua nanom, bon akea te b'ai ae ko na maaku iai. Ko na bon aki mate.”

1.Tamuera 2:21

Ao te UEA E akoa Nei Anna, ao a manga reke riki natina teniman m'aane, ao uoman aine. Ma e rikirake n ikawai rake Tamuera n Ana auti te UEA i Tiro.