Ruka 1:10 - Te B'aib'ara

¹⁰ Ao a tataro aomata aika bati i tinanikun te ruu are tabu ngke e kabuoki karea ake a boiarara Takaaria.

Ruka 1:10 ပူးပေါင်းရင်းမြစ်များ

Taian Areru 141:2

Butim'aea au tataro b'a kanga te karea ae boiarara, ao baiu aika tabekaki rake b'a kanga te karea n te tairiki.

Etekiera 46:3

A na riai naba n roko Iteraera man te mataroa are mai mainiku ma n taromauriai ni katoa Taabati ao ni katoa te Toa ae Moan Otin Nam'akaina.

Nakoaia Ibonga 16:17

E na riai n akea te aomata i nanon te Um'antabunrianna n te tai are e tuai n rin iai Aaron n te Tabo are Moan te Tabu b'a e na karaoa te kaitiaki ni karokoa otinakona. Ngkana e tia ni karaoa te waaki ni kaitiaki i bukina ma ana utu,

Warekaia Iteraera 7:50

teuana te buun te koora ae tebwina te tiekera ke 115 te kuraem (115g) rawatana ae on n te karea ni kaboiarara;

Ebera 4:14

Ma ngaia aei, ngkai iai ara ibonga ae moanibaan te kakannato, are E a tia n ri buakon taiani karawa, are Iesu are Natin te Atua, ao ti na taua are ti a tia n taekinna i bukina.

Ebera 9:24

B'a Kristo E aki rin nako nanon te tabo are tabu, are e karaoaki ni bain te aomata, ao are katotongan te oi ni b'ai ni koaua; ma E bon rin i karawa, b'a E aonga ni kaoti i matan te Atua i bukira.

Te Kaotioti 8:3

Ao e roko te anera temanna, ao e tei i rarikin te baonikarea, ao iai i rouna te baan ae te koora ae te baan i bukini kabuokani karea aika boiarara; ao e anganaki karea aika boiarara aika bati, b'a e na uaia ni kaaki ma aia tataro ake a itiaki ni kabaneia i aon te baonikarea are te koora are i nanoaan te kaintokanuea.