Otea 9:16 - Te B'aib'ara

¹⁶ Iteraera, bon te kai ae te kureebe ngkoe ae e m'autakataka wakaana ae akea uaan m'aangana nako. E ngae ngke iai riki natimi ao kam rangi n tangiriia, N na bon tiringiia ni kabane.

Otea 9:16 ပူးပေါင်းရင်းမြစ်များ

Karikani B'aai 41:23

Ao a manga riki taian uita naba aika itiua, aika irariki, aika rai n angin te rereua,

Iobi 18:16

E na riki b'a kaanga aron te aroka ae mate man wakaana nakon m'angana ake i eta.

Itaia 40:24

Ti te bo ngaiia ma taian uee aika a tib'a ure ao a tabe n rikirake. Ma ngke e ukia te Atua, ao a rai ma n uotakinako kaanga te maange n tain te angibuaka.

Itaia 5:24

Kam na urarake kaanga te b'ab'ati ni uteute! Kam a tia ni katinanikua ana reirei te UEA ae e tabu ae Atuan Iteraera ae Moan te M'aaka. Ngaia ae ngkai, a na mka wakaami, ao a na riki ni bubu nako ueemi.

Etekiera 24:21

b'a e a tauraoi n urua te Tembora ike kam kainikatonga iai ao are kam taku b'a kam mano raoi iai. A na tiringaki natimi aika a maeka ngkai Ierutarem.

Otea 5:11

E korakora manatuan Iteraera. E bon reke nakoia te b'ai ae a tangiria ma i mwiin taromaurian taian bouananti aika akea manenaia.

Otea 8:7

Ngkana kam kamaae n unika te ang n onea mwiin te uita, kam na bon taia te ukeukenanti ao ana akea ami uita. E ngae ngkana kam taia te uita ana manga kimoaia kairiribai ni kabane.

Maraki 4:1

E na bon roko te bong ni motikitaeka. Ao e na riki b'a kaanga te ai ae e korakora ae kabuebue ma urana ae e kab'atataia aomata aika a kainikatonga ao aikai taani bure, b'a kaanga ai aron te b'ariko n uteute. Bon akea m'angana ke wakaana ae na tiku. Bon aei au taeka Ngai ae te UEA ae Moan te M'aaka’

Te Tua-Kaua 32:25

Ti te bo aroia aika ikawai ma ataei a na mate i nanon kawain te kaawa ao a na maaku i nanon aia auti.