Otea 8:13 - Te B'aib'ara

¹³ Kam karean ami man ake taian kabanea n tamaroa ao kam kang irikoia maan ake kam karean, ma I aki butim'aai ami karea nako Ngai ae te UEA. N na aki m'aninga ami bure ao N na katuaaingkami. Ao i mwiina, kam na okira Aikubita.

Otea 8:13 ပူးပေါင်းရင်းမြစ်များ

Te Otinako 20:3

Tai manga taromauria te atua riki temanna b'a ti Ngai.

Te Otinako 32:34

Ngkai ko na kairiia aomata nakon te tabo are I a tia n tuangko, ao e na kairiko Au anera. Ma N na katuaaia i bukin aia bure aei ngkana e roko te tai arei.

Taeka n Rabakau 21:27

E aki tabeakin aia angab'ai aomata aika a buakaka ma aia iango aika a buakaka te UEA.

Itaia 1:11

“Bon akea nanon ami karea nako iu I a aoraki n ami karea aika taian tiibu ao taiani kao aika a rineaki; I aki tangira raraaia taiani kao ke taian tiibu ke taiani kooti.”

Ieremia 14:10

Au aomata, kam tangiria n tiotio nako, Bon akea naba ami keiaki ni kan kaaningkami ma Ngai. Ma ngaia are, N nang katinanikuingkami ngkai ma ni katuaaingkami i bukin ami bure. Bon aio au taeka Ngai ae te UEA.

Ieremia 6:20

Kaain Iuta, kam uoti nako iu taiani b'ai ni kaboiarara mai Tieb'a ao b'ai ni kangkangian te am'arake man aaba aika a raroa. Kam karean aekaki ni man ni kabane. Ma e aera ngkai kam tabeaianga? I ribaai ami b'aintangira aikai ni kabane!

Etekiera 29:16

A na aki manga onimaki au botannaomata ae Iteraera i aon am botannaomata. Ni koauana, ngkana a ururing Iteraera ni uringa te b'ai are e riki ngkoa nakon Aikubita, ao a na bae n namakina aia kaairua ngke a rairaki nakoim ni kakaaea buokaia. Ao i mwiina, a na ataia Iteraera b'a boni Ngai are te UEA ae te Atua ae I karaoi baikai.

Otea 11:5

Ma a onimakina Aikubita ao a aki kan okirai; ao ngkai a na tautaekanaki iroun Aturia.

Otea 12:11

E rangi n rawaawata ana bure Kireata ao tokina bon te urubekebeke. A kareanaki taian kaom'aane i Kireata i aon te baonikarea are e karaoaki n taian atiibu, ma a na kamaaenikunaki taian atiibu aikai nakon taian tawaana nako.

Otea 4:9

Ao bon anne bukina ngkai N na katuaaia aomata i bukin te b'ai ae a tia ni karaoia, n aron naba ae N na katuuaingkami ngkami aika ibonga.

Otea 5:6

Kam anga te tiibu ma te kao b'a taiani karea nako iu, ma I a tia n tannako ma N na rawa ni kaotai.

Otea 6:6

I tangiria b'a kam na kakaonimaki ma n ataai nakon ae kam na anga taian karea.

Otea 7:11

Iteraera bon te mannikiba ae akea ana namakin, e kibakiba ni kawaekoa i marenan Aikubita ao Aturia.

Otea 7:16

ao a rawa n ongotaeka irou, Akea riki bonganaia nakon te kanoanikatebe ae e b'aoua. A na mate aia tia kairiiri n te buaka i bukin taekinan b'aai aika a nanobaba. A na ngareakinaki irouia kaain Aikubita.

Otea 7:2

Bon akea temanna ae e ataia ae I a tia n noori aia bure nako aika a otab'aniniaki iai kaanga te ieka.

Otea 9:6

E ngae naba ngkana ko biri nako ni maiu, ko na bon toki naba i Aikubita. ao n taunaki i Membiti. kaub'aim aika tirewa a na bua i buakon uteute; aika bwebwerake n am autinrianna nako.

Otea 9:7

Iteraera, e a roko te tai. E na bon okiriko te b'ai are ko bon kaantaningaia, ao ko bon ataia. Ko taku, “A nanobaba burabeti, ao a rangirang ana tia uarongorongo te Atua.” E a tia am kaairua ae e kakamaaku ni kaoniko n te riribai.

Otea 9:9

Ko tiritiri ao ko akiako, n aroia m'anen Kibea. Ma E uringa ami bure te Atua, ao E na katuaaeko.

Amota 3:2

“Bon ti ngkoe ae I a tia n rineiko man kawakiniko mai buakoia te botannaomata; ao bon anne bukina ngkai I bati ni karawawataingkami n ami bure mani katuaaingkami i bukiia botannaomata.”

Amota 5:22

Ngkana kam uoti nako iu ami karea ni kabuokaki ma ami karea ni uita, N na bon aki butim'aai; N na bon aki naba butim'aai ami man aika kamarikaaki b'a ami karea nako iu.

Amota 8:7

E a tia ni berita te UEA ae Atuaia Iteraera ao E kaangai, “N na bon aki m'aninga aia m'akuri aika a buakaka.”

Ruka 12:2

Akea te b'ai ae rabunaki ae na aki kaotaki, ao ae karabaaki ae na aki ataaki.

1.I-Korinto 11:20

Ma ngaia aei, ngkana kam botaki, ao bon tiaki ana Toa te UEA are kam kanna.

1.I-Korinto 11:29

B'a ane am'arake ma ni moi n aki ataia b'a tera rab'atan te UEA, ao e na karekea motikan taekana ae na kabuakakaki iai.

1.I-Korinto 4:5

Ma ngaia ae kam na tai motika taekan te aomata i m'ain taina raoi, are tain rokon te UEA, are E na kaoti b'ain te roo aika raba, ao E na kaoti naba iango aika raba i nanoia aomata. Ao ngkanne ane a na anganaki aomata nako kamoamoaaia mairoun te Atua.

Te Tua-Kaua 28:68

I tuangngkami ngkoa b'a kam na aki okira Aikubita. Ma ngkai, E na kanoai taiani kaibuke iroumi te UEA, ao E na kaokingkami rikaaki nako ikekei. Ao i mwiina, ane kam na kakaaea angan kaboakimi nako b'a tooro, ma ane a na akea ae e na kani kabooingkami.

Te Kaotioti 16:19

E tabwena te kaawa are ab'ab'aki nakoni m'akoro aika tenua, ao a bane n urubekebeke taiani kaawa nako n aaba nako: ao te Atua E aki m'aninga taekani B'aburon are kakannato, ma ngaia are E anganna m'angkoni wain n unna b'a e na moi iai.

1.Tamuera 15:22

Ao e taku Tamuera, “Ko na tuangai. E bon kukurei te UEA n taiani karea ma taian angab'ai? E aki! E bon aki tangira am karea. E tangiriko b'a ko na ongotaeka i Rouna.