Otea 7:14 - Te B'aib'ara

¹⁴ A bon aki naba tataro nako iu; a ti tang ni korakai i aon aia kainiwene. A ribaai i bukin B'aara ao a korobiti rab'ataia i bon irouia, ma te kaantaninga b'a B'aara e na kakab'aia arokaia.

Otea 7:14 ပူးပေါင်းရင်းမြစ်များ

Te Otinako 32:6

Ao a uti m'aaka aomata n te ingabong are i mwiina ao a tiringi tabeman taiani man ake a na kamanenaaki i bukin te karea ao tabeman i bukin te am'arake. Ao i mwiina, a bane n am'arake aomata ma ni mooi ni katibutauaia ao ni kakoroia n te aro are a riki b'a kaanga maan aika aki manana.

Itaia 29:13

E a tia ni kaangai te UEA: “A neboai aomata aikai n aia taeka ma bon akea raoi nanoia i Rou. A taromauriai ni kakaokioki taian tua ake a karaoaki i rouia aomata.

Itaia 52:5

ao ngkai ai manga te botannaomata teuana e a manga uotiko nako b'a te taenikai ao bon akea naba bukina teuana. A ngirangira am taani kairiiri ni maraki, ao e karereantiaki arau n te bong teuana ma teuana.

Itaia 65:14

A na anene ni kim'areirei, ao ngkami kam na tangi ma te uruaki n nano.

Ieremia 12:2

Ko unikia kaanga aroka; ao Ko kariaia b'a a na maiu raoi ma ni kariki uaa. Ao ngkana a neboiko ao bon akea nanoia iai.

Ieremia 3:10

Ao te b'ai riki ae moan te buakaka, te botannaomata ae Iuta ngke e bakaaea te okirai.

B'aeb'aeti 2:18

O Ierutarem, ke a tang oom nakon te UEA! Ke a raanga nako rannimatam n ai aron te karaanga ni bong ao ni ngaina; Ko na tang n rawaawata n akea am tai!

Otea 13:16

E na katuaaeaki Tamaria i bukina ngke e manga kaaitaraai. E na uruakaki n te buaka a na oreaki ataeina ma taiani b'aa, ao a na katabwenaaki birotoia aine aika a bikoukou.

Otea 13:6

I kaam'arakeingkami ni karokoa kam rauaki, ao i mwiina, kam a manga kainikatonga ao kam m'aninga taekau.

Otea 13:9

Iteraera, bon aei tokim. Kam na aki kaantaningaa buokami mairou.

Otea 3:1

Ao E a manga taetae riki te UEA nako iu. Ao e taku nako iu n te tai aei, “Otea, ko na tangira ma te aine ae e aki kakaonimaki ae iai ana tangira. Ko na karaoa aei ni kaotia b'a I tangiriia Iteraera, e ngae ngke a tia n taromauri taian bouananti ao a kukurei ni karean taiani keeke aika a karaoi man taiani uaa ni kai.”

Otea 8:2

Iteraera, kam taku, “Ti atongko te UEA, b'a Atuara Ngkoe.”

Amota 2:8

Ao a wene ni matu i rarikin taabo n taromauri i aon kunnikai aika a anaaki mai rouia aika a kainano b'a b'aai ni kakoaua. Ao anai naba m'aane ake a reke man tuaaia aomata mani kabooa te wain iai, man nim i nanon au tembora.”

Amota 8:3

E na oneaki te anene n te bareti, b'a te tanginiwenei n te bong arei. A na raea ni mate aomata n aki akaaka, a na bane n teweaki nako i tinaniku, ao akea riki te karongoaa.

Mika 2:11

Aikai aekakin aomata ake a tangira te burabeti ae e b'anga ni kewe ma ni kam'am'ane, are e na kaangai nakoia, “I taetae ni burabeti b'a e na raanga nako i bukimi te wain ae e kangkang ma te wain ae te kamanging.”

Tekaria 7:5

I nanon itibwi te ririki ao kam a tia n aki mamatam i nanon te kanimaua ao te kaitiua n nam'akaina n te ririki. Ma kam bon karaoia raoi i buku?

I-Rom 16:18

B'a a aki toro iroun ara UEA are Kristo aomata aika aroia akanne, ma a m'akuri i bukini birotoia. A bureburei nanoia aomata aika a kai rairaki aia iango n aia taeka aika kareke nano ao n aia taeka ni karang.

I-Biribi 3:19

Bon te mate tokiia, ao a atuani birotoia; a kamoamoaia ni baika a riai ni mamaa iai, ao ti te iangoi b'ain aon te aba.

Iakobo 4:3

Kam bubuti, ao kam aki anganaki, b'a kioina ngkai kam bubuti n te aro ae aki riai, b'a kam na bakataei ami b'ai i bukin nanomi aika naano n aonnaba.

Iakobo 5:1

Ongora ngkai, ngkami akana kam kaub'ai: kam na kanenei b'anaami n tang ni korakai i bukin aaro ni karawaawata aika nangi riki nakoimi.

Tani Motiki-taeka 9:27

Ao e a roko tain taian uaan te kureebe, ao a bane nako kaain Tekem nakon aia nne n aroka ni kureebe ma ni kiniki uaan aia kureebe. A katikui aia kureebe n te tabo ni kamanti kureebe, ao a nakonako i aoia ni katinakoi raniia i bukin karaoan te wain. Ao i mwiina, a nako n rin n temboran atuaia ao a karaoa te bootaki n am'arake ae korakora. Ao a m'aiti ake a am'arake ma ni mooi, ao a karereantia Abimereka.