Otea 7:13 - Te B'aib'ara

¹³ Kaniwangaia ngkai a katinanikuai bon ti te kangaanga ma te urub'ai. N na bon kamaiuia ngkoa ma I aki i bukina ngke a taekina te kewe nako iu.

Otea 7:13 ပူးပေါင်းရင်းမြစ်များ

Neemia 1:10

Ara UEA, I tataro i bukiia am toro, koraki ake Ko a tia ni kamaiuia ni korakoram ao m'aakam ae e korakora.

Iobi 22:17

Aikai aomata aika rarawa nakon te Atua, ake a taku b'a akea te b'ai ae E kona ni karaoia te Atua nako ia.

Taian Areru 106:10

E kamaiuia mairouia aia kairiribai, ao E kainaomataia mairouia aiaia.

Itaia 30:1

Aio ana rongorongo te UEA i bukiia ana Aomata aika a kamangao: Kam iri oin ami babaaire ao kam aki iri au babaaire; kam karaoi taiani boraraoi i marenami ma tautaeka tabeua ao kam titirakinai moa, ao kam teimatoa ni buubure.

Itaia 30:2

Kam onimakina Aikubita i bukin kamanoami. Ma ngaia are, kam rawa nakon au babaaire. ao kam kanakoia ami taan uarongorongo nako Aikubita ni buubutiia aia uea buokami.

Itaia 31:1

Ko a reke n te kaangaanga ngkana ko nakon Aikubita i bukin buokam, ke ngkana ko mwiokoi taiani kaa ni buaka ake a katikitikaki irouia aoti ke taani buaka i aoia aoti. Ma ko riai n mwiokoa ao n onimakina te UEA ae te Atua ae e tabu ae Atuan Iteraera.

Itaia 41:14

Kaain Iteraera kam na aki raraoma, ngkana a kaangai tem'angina, Bon ti te m'ata Iteraera!” Bon Atuan Iteraera ae e tabu Ngai, ae E kamaiuko ma ni kaawakiniko.

Itaia 43:1

Kanoan Iakob'a, Boni Ngai, ae I karikiko ma ni boboota ami botannaomata. Iteraera, ko na aki maaku. I a tia ni kamaiuko. I a tia ni weteiko n aram; ao ngkai ai au aomata ngkoe.

Itaia 59:13

Ti a tia ni kaaitarako ma n rawa n iriko. A iango n aonikai nanora, ngaia are ti b'anga ni kewe iai; ti babaairea aron kabuakakaia tem'aangina ao ti rairaki nako mai roum.

Itaia 63:8

E kamaiuia ana Aomata te UEA, ao e taku, “Bon Au b'ai. A aki konaa ni kam'aneai.”

Ieremia 14:10

Au aomata, kam tangiria n tiotio nako, Bon akea naba ami keiaki ni kan kaaningkami ma Ngai. Ma ngaia are, N nang katinanikuingkami ngkai ma ni katuaaingkami i bukin ami bure. Bon aio au taeka Ngai ae te UEA.

Ieremia 42:20

Kam buubutiai b'a N na tataro ma ni karekea nanon te UEA ae Atuara b'a tera ae e tangiria b'a ti na karaoia, ao kam berita b'a kam na ongotaeka i Rouna. Ma bon te bure ae e moan te kakamaaku te b'ai anne,

Ieremia 51:9

Ao a kaeka ianena ni kaangai, “Ti a tia ni kataia ni b'ainaorakiia ikoakin nako B'aburon, ma a bon aki buokaki. Nako mai, ti a okiri mwengara n oin abara nako. Bon akea te b'ai ae e tiku i B'aburon; a bane n uruaki b'aai nako.”

Ieremia 7:15

Ao i bukimi ngkami aika kaain Iuta, N nang kanakoingkami man abau, N aron kanakoaia kaain Eberaim ao kaain baronga ake i meaang.

B'aeb'aeti 5:16

Bon akea nikiran kakatongan nanora, Ti bure ao ti a matakii n rannimatara,

Etekiera 16:23

Boni Ngai ae te UEA ae I taetae ni kaangai ko a reke n te kangaanga! Ko aki ti karaoi baika a buakaka aikai,

Etekiera 18:2

Etekiera, I ongo b'anaaia aomata b'a a kamanenaa te taeka nikawai ae e kaangai, “Te kureebe ae e maai ae e kanaki irouia kaaro e katuka te maai i nanon wiia natiia.

Etekiera 18:25

Ngkami aika Iteraera kam bukinai b'a e aki eti ae I karaoia! Ma kam ongora, tiaki ngai ae I karaoa ae aki eti ma boni ngkami!

Etekiera 34:6

Ma ngaia are, a maaenako au tiibu ni kabutaa te aonnaba. A tiotio nako i aon tabuki ma maunga, ao bon akea temanna ae e tabeakiniia ni kakaaia.

Otea 11:12

E b'anga ni kewe Iteraera nako iu, Ngai ae Atuaia ae kakaonimaki ma n tabu; a otab'aniniai n aia kewe, ao e taromauri anti tabem'aang Iuta.

Otea 11:2

Ma e taku te taeka, “M'aitin weteakiia, bon m'aitin aia kamangao.” A aki konaa ni katoka aia m'akuri n anga te b'ainikaboiarara ao taian karea nakon bouanantin B'aara.

Otea 5:7

Kam a tia n aki kakaonimaki nako iu, Ngai ae ami UEA; a tia n reke natimi irouia taiani kabekaau. Ma ngaia are, ko na urubekeaki ngkoe ma arokam n tain te Toa ae Moan Otin Nam'akaina.

Otea 7:1

ao ni kamaoa manekana. Ma I a manga noora te bure i nanon Iteraera ao Tamaria. A b'anga ni kewe aomata nako: a aiwaa taani kimoa i nanon kawain nako nuukan te kaawa.

Otea 7:3

E rangi ni kukurei te uea ma ana mataniwi nako n aia bure ma aia b'anganikewe.

Otea 9:12

E ngae ngkana iai natimi, N na anai ni kabane ma ni katikuingkami ma te tang. N na tannako, ao ko na inako rikaaki i nanon te kanganga ae e korakora.

Otea 9:17

Iteraera, ko aki ongotaeka nakon Atuau. Ngkai n nang kairoroingkami b'a kam na tiotio nako man te botannaomata teuana nakon te botannaomata teuana.

Iona 1:10

Ao e kaotia naba Iona b'a e birinako mairoun te UEA. Ao a maaku kaimoa ao a taku nakoina, “Ai kakamaakura te b'ai ae ko karaoia!”

Iona 1:3

Ma e teirake Iona ni birinako mairoun te UEA n te kawai teaina. E nako Iob'a ao e nora te kaibuke ae e na borau nako Tibein (Taretiti). E kab'aka kantokana ao e toka i rarikiia kaimoa b'a e nang kaea Tibein, te tabo are e taku b'a e na raroa iai mai roun te UEA.

Mika 6:12

Am aomata aika a kaub'ai a babakanikawaia aika akea aia b'ai, ao bon taani kewe ngkami ni kabane.

Mika 6:4

I kaotinakoingkami mai Aikubita; I kamaiungkami man te tautoronaki; I kanakoa Moote, Aaron, ao Miriam b'a a na kairingkami.

Mataio 23:37

Ierutarem, Ierutarem, ae ko kamamateia burabeti, ae ko karebanaia ake a kanakomaiakaki nako im, ai bati ra au kani bobotiia am aomata, n ai aron te moa aine ngkana e botiia bunna i aani baina, ma kam rawa!

Te Tua-Kaua 15:15

I mwiokoingkami b'a kam na ongotaeka iroun te UEA b'a kauringakimi b'a bon tooro ngkoa ngkami i Aikubita i m'aain kainaomataakimi i rouna.

1.Ioane 1:10

Ngkana ti taku b'a ti tuai ni bure, ao ti arana te Atua b'a te tia kewe, ao e aki mena i nanora ana taeka.

Te Kaotioti 8:13

Ao I taratara nako ao I nora te ikare ae ti ngaia ni kibakiba i eta ike e rietaata i aani karawa; ao e kaangai n te b'anaa ae korakora, “A na reke kaiia, a na reke kaiia, a na reke kaiia kaain aonnaba ngkana a tang b'anaani bu ake tabeua ake aia bu anera ake teniman ake a nang katang.”