Otea 6:7 - Te B'aib'ara

⁷ Kam kam'aneai ngke kam urua ara boraraoi, n te tabo are e aranaki b'a Atam.

Otea 6:7 ပူးပေါင်းရင်းမြစ်များ

Karikani B'aai 3:11

Ao E titirakinna te Atua ni kaangai, “Antai ae e tuangko b'a ko bebeekan? Ko a tia ni kana uaan te kai are I tuangko b'a ko na aki kanna?”

Karikani B'aai 3:6

Ao e noora te kai arei te aine b'a e tamaroa taraana, ao e rangi n raoiroi uaana n te kanaki, ao e a anaaki riki nanona ngke e na wanawana iai. Ma ngaia are, e anai uaana ao e kang. Ao i mwiina, e a manga angan teuare buuna, ao e kanna naba teuarei.

2.Uea 17:15

A katinanikua ana taeka ni kauring te UEA ma ana babaaire, ao a kaaki taekan te boraraoi are e a tia ni karaoia ma aia bakatibu. A taromauri bouananti ake akea maneia, ao a boni kakeai manenaia. E a tia n tuangiia b'a a na aki katotoongia botannaomata ianena ake i rarikiia ni b'aai aika a karaoi, ma a aki ongo Iteraera b'a a boni katotoongia naba.

Iobi 31:33

A kaakarabai aia bure aomata tabem'aang, ma I bon tuai man karabai au bure ngai.

Itaia 24:16

E na ongo te aba taian anene n nebo i bukin ana motikitaeka ae eti te Atua. Ma e rangi ni korakora ma n aki rau n te rawaawata n nano. Bon iai ae e konaa n onimakinaki? Bon angiina taani kewe!

Itaia 24:5

E a kam'araa te aonnaba i bukiia aomatana aika a aki ongotaeka nakon ana tua nako te Atua, ma n urui aia booraraoi are akea tokiia.

Itaia 48:8

Kam tuai mani kan kakauongo nakon te b'ai ae I taekinna; man te tai are kam bungiaki iai, I ataia b'a kam na kaaitaraa.

Ieremia 3:7

I ataia b'a e a tia n aki kakaonimaki te abanuea meang ao e a tia ni karaoi buure aika a m'aiti,

Ieremia 31:32

E na bon kaokoro ma te boraraoi are I karaoia ngkoa ma ami bakatibu ngke I kaotinako ia mai Aikubita. E ngae ngke Atuaia Ngai, ma a bon urua naba te boraraoi anne.

Ieremia 34:18

Kam bubutiai b'a N na riki b'a te tia kakoaua ngke kam karaoa te boraraoi i bukin kainaomatakiia ami toro. Kam korouaa te kaoteteei nakon uoua m'akoro, ao kam nakonako i marenan m'akorona akanne. Ma kam a tia ngkami aika kaain Ierutarem n urua te boraraoi anne n reitaki ma Au boraraoi ma Iteraera. Ma ngaia are, N na karaoa naba nakoim are kam karaoia nakon te kaoteteei.

Ieremia 5:11

A a tia n aki kakaonimaki nako iu kaain Iuta ma Iteraera n aaro aika a bati,

Ieremia 9:6

A bane aomata n aonikaiia raoia nako ao bon akea temanna i buakoia ae kakoauaai b'a te Atua Ngai.

Otea 5:7

Kam a tia n aki kakaonimaki nako iu, Ngai ae ami UEA; a tia n reke natimi irouia taiani kabekaau. Ma ngaia are, ko na urubekeaki ngkoe ma arokam n tain te Toa ae Moan Otin Nam'akaina.

Otea 8:1

Katanga te buu ni kauring! Iteraera, ko a tia n urua ara boraraoi ao ko a tia n aki kubara au reirei. Ao ngkai e na kiba rikaaki te ikare ni buakana abau.

I-Rom 5:14

Ma e uea te mate mairoun Atam ni karokoa Mote, ao i aoia naba te koraki ake a bure, e boni ngae ngke e kaokoro aron aia bure ma ana bure Atam, ngke e aki ongeaba nakon te tua. E reke iroun Atam bannan aron Teuare nangi roko.

Te Tua-Kaua 31:20

I uotiia ngkai nakon te aba are I berita iai nakoia aia bakatibu. Bon te aba ae kaub'ai n te miriki ma ana karewe te manibeeru, ao e na ri aon ae riai m'aitin kanaia kain Iteraera. Ma ane a na marikarika ao a na tannako mairou.

Ebera 8:9

E na aki ti te bo ma te boraraoi are I karaoia ma aia bakatibu n te bong are I tauu baiia iai ni kaotinakoia man te aba are Aikubita. I bukina ngke a aki kakaonimaki nakon au boraraoi, ai ngaia anne are I aki mutiakiniia iai, bon ana taeka te Uea.