Otea 6:11 - Te B'aib'ara

¹¹ Kaain Iuta, E a roko naba ami tai. Boni Ngai ae te UEA ae I tangira Au botannaomata b'a e na manga mari.

Otea 6:11 ပူးပေါင်းရင်းမြစ်များ

Iobi 42:10

Ao i mwiin ana tataro Iobi i bukiia raoraona ake teniman, ao E a manga kakab'aia Iobi te UEA, ao E a manga anganna uoua te tai okiokin ana b'ai ake mai m'aaina.

Taian Areru 126:1

Ngke E kaokira te UEA nakon ana kaawa ae Ierutarem, ao ai aron ae ti mii!

Taian Areru 85:1

Te UEA, Ko ataataiaomata nakon abam; Ko a manga kaoka kab'aian Iteraera.

Ieremia 30:10

Iteraera, bon au aomata ngkami, ma ngaia ae kam na aki maaku. Iteraera, kam na aki nim'atoaua. N na kamaiungkami man te aba are e raroa nako, man te aba are kam kataenikaiaki ngkoa iai kam na oki nakon mwengami ao kam na maiu ma te rau; Ane kam na mano raoi, ao akea ae e na konaa ni kakamaakuingkami.

Ieremia 51:33

Boni Ngai ae te UEA ae Moan te M'aaka ae Atuaia Iteraera, ao I karaoa te boraraoi aei “E na kaboraoaki B'aburon ma ni kamanatuaaki kaanga te tabo ni kaaki kun ni uita n tain te tai.”

Ioera 3:13

Bon tawaanan taian uita ngaiia aika a tawaa. Uoti ni karin taian tai! Bon taian kureebe aika a b'arikoriko ngaiia. Ani moana toutouaia ngkai! Ngkana arona b'a taian wain ara kairiribai, ao a na bane n taonako taian tiaeki ni kabane.

Mika 4:12

Ma a aki ataa nanon te UEA te botannaomata aei. A aki ataia ae a bootaki b'a a na bane n oreaki n ai aroia taian uita aika a bootaki, b'a a na oreaki ni kaakaki kuniia.

Teb'ania 2:7

Aomatan Iuta ake nikira ni maiu a na maekana te aba. Ana kam'arakeia aia nanai ikekei ao ana matu n autin Atikeron. Te UEA ae te Atua E na memena irouia ao E na manga kaoki kab'aiaia.

Te Kaotioti 14:15

Ao e oti nako te anera temanna man te Tembora, ao e taetae n te b'anaa ae korakora nakon Teuare tekateka i aon te nang, ao e kaangai, “Ko na karina am biti i buakon uita, ao koroi, b'a e a roko tain te koro uita; a tawaa raoi uaa i aon te aba, ao e a roko aia tai n taiaki.”