Otea 5:14 - Te B'aib'ara

¹⁴ Ma ngaia are, N na riki b'a te raian ae e tiritiri ni buakana Iteraera ao Iuta. N na buribaiia ma n uota nako te b'ai ae I tangiria, ao bon akea temanna ae e konaa ni katokai.

Otea 5:14 ပူးပေါင်းရင်းမြစ်များ

Iobi 10:16

Ao ngkana tao I tokanikai, ao Ko aki ti torokaraniai kaanga te raian, ma Ko karaoi naba taian kakai ni kaikoakai.

Iobi 10:7

Ko bon ataia b'a I aki bure, ma antai temanna ae kona n tei i buku ni kaaitarako?

Taian Areru 50:22

Ngkami akana kam m'am'anuoka taekau, Kam na ongora n aio b'a I kaawa n raebitingkami, ao akea ae na kamaiungkami:

Taian Areru 7:2

B'a rimwi a na raebitiai kanga te raian ngkana e raebitia konana, ao akea ae e kona ni kamaiuai.

Itaia 5:29

A bekorara kaanga taian raian ataei ngkana a rawea konaia mani uaakiniia nako nakon te tabo ae akea ae e konaa ni kamaiuia iai.

Ieremia 25:38

E a tia te UEA ni kiitaniia ana aomata kaanga te raian ae e kiitana b'angana. E a tia n onika te aba kakamaakun taiani buaka ma korakoran unin te UEA nakon te rereua.

B'aeb'aeti 3:10

E torokaraniai n ai aron te bea, e ewekai n ai aron te raian.

Otea 13:6

I kaam'arakeingkami ni karokoa kam rauaki, ao i mwiina, kam a manga kainikatonga ao kam m'aninga taekau.

Otea 2:12

E taku, “A anganai au tangira taian nnenikureebe ao taian aroka ake taiani biiku b'a boou i bukin te wene ni bure.” Ngkai, Ngai ae te UEA, N na urui ana nnenikureebe ao arokana taian biku; a na riki b'a taian b'ariko n uita uteute aika a kanaki irouia maan aika a aki manana.

Otea 6:1

Ti a okira te UEA. E a tia n raeraeira ni kauarerekeira, ma E na kabaei ikoakira ao E na manga kamarurungiira.

Amota 2:14

E na bon aki kona naba ni birinako te aomata ae birim'aaka. Ao e na bua naba korakoran te aomata ae ninikoria, ao ana bon aki kona naba n rawei maiuia taian tautia.

Mika 5:8

A na riki b'a kaanga raian aika a kakaaei kanaia i buakonikai ke i aon uteute: a rin i buakoia tiibu, a ewekia, ao a raebitiia-ao bon akea manga kantaningaan te kamaiuaki.

Te Tua-Kaua 28:31

A na tiringaki ami kao ngke kam bon tabe n taratarai, ao kam na bon aki kona ni kana irikoia. Ao a na iraeaki ami aati ma ami tiibu mai roumi, ao a na akea kaain rarikimi ae na buokingkami n tuukia ami kairiribai.

Te Tua-Kaua 32:39

Kam bon aki ataia? Bon ti Ngai te Atua; ao akea riki temanna; Bon Ngai ae I anaa te maiu ao I a manga kaokia. I katuaaingkami n te rawaawata. Ma N na kamaiungkami ngkai, ao bon akea ae kona ni katokai.