Otea 4:14 - Te B'aib'ara

¹⁴ Ma I aki katuaaia. Boni ngkami aika m'aane aika kam riai ni bukinaki, i bukina b'a kam nako ni kawariia ainen matawa ao kam anga karea ma ngaiia n aia baangota nako beekan. E na uotingkami nanobabami nakon uruakami.

Otea 4:14 ပူးပေါင်းရင်းမြစ်များ

1.Uea 15:12

E kanakoia ainen matawaan taiani baangota ni kanakoia man te aba, ao e kamaunai bannan anti ake a karaoi ngkoa ana bakatibu.

2.Uea 23:7

E urua ni kab'aka te auti ae e korakora are e tena ma te Tembora are a maeka iai ainen matawa aika m'aane, ike a kakaraoaki iai kunnikai aika a tabu i bukin te anti are Nei Aatera.

Taeka n Rabakau 28:5

A aki ataa te babaaire ae eti aomata aika taani bure, ma a atai raoi aomata aika a karinea te UEA.

Itaia 1:5

E aera ngkai ko na katuaaeaki riki? E aera ngkai ko aki katoka burem? E ikoaki atuum, ao ko a rangi ni mamaara.

Itaia 27:11

Ao ngkana a b'aka m'aangana aika a m'aoto i aontano ao a manga roko aine n anaia b'a kanaan aia ai. Ma a bon rangi n nanobaba aomata aikai n te aro are E aki konaa n nanoangaiia te Atua are e karikiia.

Itaia 56:11

Bon te koraki ni kamea aika a baki ngkami taan kairiiri aika kam nanobaba aika aki konaa ni ngae nanomi. Bon taani kaawakintiibu ngkami aika kam kairiia ami tiibu nakon te maiu n aonikai.

Taniera 12:10

Ane a na m'aiti aomata aika a na kaitiakaki. Ane a na aki ataa nanona aomata aika a buakaka; ao a na teimatoa ni buakaka; bon ti aomata aika a wanawana aika a na ataa nanona.

Otea 14:9

Ngkana kam wanawana, kam na ataa nanon te b'ai ae I nanonna. Bon te UEA Ngai, ao I kairingkami n te kawai ae e eti. Ti na kaai n nakonako ngkana kam ongotaeka Irou, ma e na toki waemi ngkana kam buakaka.

Otea 4:1

Ongora, Iteraera ngkai E bukiniia aomata nako te UEA aika i nanon te aba! Bon akea temanna ae e onimakinaki ke kakaonimaki ke n tabeakina raoi te Atua.

Otea 4:17

Ngkami aika Iteraera kam a katamaroaaki n taian bouananti. Katikuia n aroia aomata akanne!

Otea 5:4

Ami m'akuri aika a buakaka boni ngaai bukin aki okimi nako iu Ngai ae te UEA ae te Atua. Kam aki kona n ataai i bukin teimatoan tangiran te wene ni bure iroumi.

Amota 2:7

A toubekaia aika a mamara aika akea aroia, ao a butuia nako aika a kainano mai m'ain kawaia. Ane ana uaia, te karo ma te nati, ni kawara te toro ae te aine ae ti temanna ao ana kamatauninga arau ae tabu.

Amota 7:17

Ma ngaia ae ngkoe ae Amatia, E kaangai Ana taeka te UEA nakoim, ‘E na riki buum b'a te aine ae ainen mataawa i nanon te kaawa, ao a na bane ni mate natim n te buaka, ao e na tib'atib'aaki abam nakoia tem'angina. Ao ngkoe, ko na mate i nanon abaia beekan, ao a na uotaki nako aomatan Iteraera mai abaia b'a taenikai.’

Warekaia Iteraera 25:3

Ao E un te UEA irouia Iteraera i bukina ngke a taromauriia te anti are B'aara Beore.

Ioane 8:43

E aera ngkai kam aki ata nanon te bae I taekinna? Aio bukina, b'a kam rawa ni kan ongo au taeka n reirei.

I-Rom 3:11

Akea ae wanawana ke ae na taromauriia te Atua.

1.I-Korinto 6:16

Kam aki ata te aomata ae nim ma te kabekaau b'a kanga temanna n aomata ngaia ma ngaia? B'a e kangai taekana are koreaki, “A na riki b'a kanga temanna n aomata naka uoman.”

I-Ebeto 4:18

a roo nanoia, ao a riki n ianena man te maiu are mairoun te Atua i bukin te babanga are i rouia, are reke i bukini matoatoan nanoia.

Te Tua-Kaua 23:17

Kaain Iteraera, bon akea mai buakomi ae na riki b'a ainen matawaan te tembora.

Ebera 12:8

A bane n reireiaki naati i bukini kaetan aroia; ma ngkana kam aki reireiaki, ao bon natintam'a iai ngkami, ao tiaki naati ni koaua.