Otea 4:11 - Te B'aib'ara

¹¹ ao a tia n aki kakaonimaki nako iu, Ngai ae aia UEA. Kam nanobaba Au aomata b'a kam rangi ni kam'aita iangoan te kukurei ma iangoan te wain.

Otea 4:11 ပူးပေါင်းရင်းမြစ်များ

Taeka n Rabakau 20:1

Bon te aki wanawana te koro ni manging! E kananobabako te mooi manging ao e kairiko nakon te un.

Taeka n Rabakau 31:4

A na riai n aki koro ni manging ao a na aki b'arua naba te manging uea ma taan tautaeka.

Taeka n Rabakau 6:32

Ma ngkana ko matu ma buun te m'aane temanna, ao ko na bon uruana arom ni uaan am nanobaba.

Te Minita 7:7

E kananobabaia aomata aika a iangoraoi te uruaki n nano, ao e konaa ni burimauniiko te kamaraato.

Itaia 28:7

A bebe waeia ibonga ma burabeti b'a a koro ni manging. A rangi ni mangaongao aia iango n te aro are a aki konaa ni butim'aea ana rongorongo te Atua ke n anga babaaire aika a raoiroi.

Itaia 5:12

Iai taiani b'aini katangitang aika taiani karai i nanon tain ami mooi ni kukurei, n reitaki ma taian timbere ao taian kaib'ab'aa. Ma kam tuai man iangoi b'aai ni kabane aika e a tia ni karaoi te UEA,

Ieremia 23:13

A rangi n ribaaki irou burabetin Tamaria, i bukina ngkai a kab'arab'ara n aran B'aara ao a kairiia nako aomata.

Otea 4:12

Kam kaantaningai bouananti aika taiani kai ao b'aai riki ake tabeua aika a karaoaki n te kai b'a a na anganingkami aromi. Ni wene ni bure n taian bangota e boni kaoti aromi n aki kakaonimaki nako iu, Ngai ae Atuami.

Otea 5:4

Ami m'akuri aika a buakaka boni ngaai bukin aki okimi nako iu Ngai ae te UEA ae te Atua. Kam aki kona n ataai i bukin teimatoan tangiran te wene ni bure iroumi.

Otea 7:11

Iteraera bon te mannikiba ae akea ana namakin, e kibakiba ni kawaekoa i marenan Aikubita ao Aturia.

Nakoaia Ibonga 10:9

“Kam na aki rin n ana Um'antabunrianna te UEA i mwiin mooimi n te wain ke te biia; ngkana kam karaoa anne, kam na boni mate. Bon aei te tua ae riai ni kaawakinaki irouia ami kariki ni kabane.

Ruka 21:34

Ma kam na kawakiningkami b'a a na aki kamamaraaki nanomi n taekan ti te kan am'am'arake ma te mamanging ma iango n raraoma i bukini b'ain te maiu aei, b'a e kawa ni karina rokon te bong arei n te tai are kam aki kaantaningaia iai ni kam'aneingkami,

1.Tamuera 25:36

Ao e nako Nei Abikaira n oki nakon Nab'ara, are e bon mena ni mwengana ni karaua ni kukurei n ana baka n am'arake ae e karaoia ae kaanga ai aron ana baka te uea. E mooi manging ao akea te b'ai ae e riki i rouna, ma ngaia are, akea te b'ai teuana ae e karakinna neierei nakoina ni karokoa te moaningabong are i mwiina.