Otea 2:15 - Te B'aib'ara

¹⁵ N na kaoka am nnenaroka ni kureebe, ao i mwiina te M'arua are Kangaanga are e na riki b'a M'aruan te Kantaninga. Ane ko na kaangai “Eng” nako iu n aron are ko karaoia ngkoa ngke ko kairake, ngke ko kiitana Aikubita.

Otea 2:15 ပူးပေါင်းရင်းမြစ်များ

1.Uea 16:31

Bon ti te bo are e karaoia ma Ieroboam. Ao ana bure riki ae moan te buakaka bon ieinna ma Nei Ietebera are natin uean Titon are Etabaara, ao e a manga taromauriia B'aara.

Taian Areru 106:12

A kakoauai ana taeka; ao a anenea karaoiroana.

Taian Areru 129:1

Iteraera, tuangiira aroia am kairiribai ni b'ainikiriniko ma ngke ko moa n riki b'a te botannaomata ngkoe.

Itaia 65:10

A na taromauriai ao N na kairiia aia tiibu ma aia nanai ni kao ni kawakinia i Aoraoin Tiaron i maeao ao i nanon M'aruan te Kaangaanga i mainiku.

Itaia 65:21

A na katei aia auti ao a na maekan; a na karaoi aia onaroka ao a na kanga uaaia.

Ieremia 2:1

E tuangai te UEA b'a

Ieremia 2:2

n na nako Ierutarem ma n tuangiia aomata nako te b'ai are E a tia n taekinna: Kam tangirai ngkoa ngke kam moan riki b'a au kabae ao kam irai i nanon te rereua ae akea kaina.

Ieremia 29:11

N na kakab'aiaingkami ni boong aika a na roko aika a on te kaantaninga; boong n tokanikai, tiaki boong ni karawaawata.

Ieremia 3:4

Kam aranai b'a tamami ke raoraomi ae e a tia ni m'arua n te tai ae e maan;

Ieremia 32:15

E a tia n taekinna te UEA ae Moan te M'aaka, ae Atuaia Iteraera, b'a a na manga kabooi taian auti, tawaana, nne n aroka ni kureebe man te aba aei.”

B'aeb'aeti 3:21

Ma e reke au kaantaninga ngkana i uringa te b'ai teuana.

Etekiera 16:22

Ko rangi n tabetabe ni karaoa te bure ma ainen mataawa n te aro are ko rawa n iangoi boong ake ko uarereke iai ma n rabinobino ni bebeekan i nanon raraam.

Etekiera 16:60

Ma I ururinga te boraraoi are I karaoia ma ngkoe ngke ko uarereke, ma ngaia ae, N na karaoa te berita nakoim are e na akea tokina.

Etekiera 16:8

Ngke I a manga nooriko riki, ao ko a bon tau nakon te iein. Ma ngaia are, I a rabuniko n niiniirau. Ao i mwiin anne, I karaoa au berita ae e matoa b'a bon au b'ai ngkoe ao Ngai ae te UEA ae te Atua N na kaawakiniko.

Etekiera 28:25

E taku te UEA ae te Atua: N te bong teuana N na ikotiia Iteraera mani botannaomata nako ake e uamaae nako i buakoia, ao a na bane n nooria botannaomata b'a I tabu. A na manga maeka riki Iteraera n te aba are I angan Au toro ngkoa are Iakob'a.

Etekiera 28:26

A na mano ao a na katei taian auti ma aia nne n aroka ni kureebe. A na aki manga reke n te kangaanga, b'a N na katuuaia aia kairiribai aika rangi n riiribaia. A na ataia Iteraera b'a bon aia UEA Ngai ao Atuaia.

Otea 11:1

Ngke e uarereke ngkoa Iteraera, I tangiria, ao I wetea natiu te m'aane ni kaotinakoa mai Aikubita.

Otea 12:13

I kanakoa te burabeti are Moote b'a e na kairiia Iteraera mai Aikubita ma ni kaawakiniia raoi.

Otea 12:9

Iteraera, I bon teimatoa naba n riki b'a Atuam Ngai ae te UEA, ni bon arou naba ngkoa man te tai are kam mena iai i Aikubita. Ngkai N na imanonoiko b'a ko na manga maeka riki n te autinrianna, n aron are kam karaoia ngkoa te rereua.

Otea 13:4

Ngai ae te UEA ae I a tia n riki b'a Atuami man te tai are kam mena iai Aikubita. Bon ti Ngai te Atua ae kam ataia, bon ti Ngaia ae e konaa ni kamaiungkami.

Otea 2:12

E taku, “A anganai au tangira taian nnenikureebe ao taian aroka ake taiani biiku b'a boou i bukin te wene ni bure.” Ngkai, Ngai ae te UEA, N na urui ana nnenikureebe ao arokana taian biku; a na riki b'a taian b'ariko n uita uteute aika a kanaki irouia maan aika a aki manana.

Amota 9:14

N na kaokiia Au aomata nako abaia. A na manga karaoa aia kaawa aika urubekebeke ma ni maeka iai; a na uniki aia kureebe ma ni mooi wain mai iai; a na karaoi aia oo-n-aroka ma n am'arake mai iai.

Tekaria 9:12

ma n anganingkami te kaantaninga. Okira ami nono, b'a N na anganingkami kaniwangami uoua okiokin ami b'ai akana a tia n reke iroumi.

Warekaia Iteraera 21:17

Bon anne naba te tabo are a anenea iai te kuna aei Iteraera: Ti na karaoa ara botaki ni kukurei! E a tia te m'anib'a aei n anganiira te ran.

Ioane 10:9

Boni Ngai te mataroa; ngkana e rin te aomata irou, ao e na kamaiuaki: e na rin ao e na oti nako, ao e na karekea kanana.

M'akuri 14:27

Ao ngke a roko i Antioka, ao a botiia kaain te ekaretia, ao a karakini b'aai ni kabane ake E karaoi te Atua i rouia, ma arona ngke E kauka mataroan te onimaki nakoia aomata aika tiaki I-Iutaia.

Iotua 7:26

Ao a katabukirakei atiibu i aona, ao bon akekei naba atiibu ni karokoa boong aikai. Ao bon anne bukina ngkai e aranaki te tabo arei b'a M'aruan te kaangaanga. Ao e a toki unin te UEA i rouia aomatan Iteraera ngke e a mate Akan.

Tani Motiki-taeka 8:34

Ao a m'aninga taekan te UEA Iteraera ae Atuaia, ae E a tia ni kamaiuia mai rouia aia kairiribai ake i rarikiia.