Otea 14:6 - Te B'aib'ara

⁶ A na butinako m'aangam ma tamaroan te te kai ae te oriwa ao boiararan Buakonikain Reb'anon.

Otea 14:6 ပူးပေါင်းရင်းမြစ်များ

Karikani B'aai 27:27

Ao ngke e roko ni kerake b'a e na kaboria ma ngaia, ao Itaaka, e aroka boin ana kunnikai, ma ngaia are, e a anganna ana kakab'aia. Ao e taku, “Ti te bo boin natiu te mm'aane ma boiararan te aba ae E a tia ni kakab'aiaa te UEA.

Taian Areru 128:3

E na riki buum i nanoni mwengam b'a te aine ae kakariki kanga ai aron te kureebe ae kakariki uaa; ao natimi kanga ai aroia aroka aika oriwa aika tib'a tabe n rikirake, ngkana a otab'aninia am Taibora.

Taian Areru 52:8

Ao ngai ai aron te kai ae te oriwa ae maiu raoi n um'an te Atua: I onimakina ana ataataiaomata te Atua n aki tootoki.

Taian Areru 92:12

A na maiu raoi akana raoiroi kanga ai aroia kaai aika ai aron te ni; A na rikirake kanga ai aroni kain aon Reb'anon.

Itaia 27:6

N te bong teuana ao ane e na nene wakaaia aomatan Iteraera kaanga te kureebe. Ane a na uee ma ni kariki uaa aika a na kaona te aonnaba.

Itaia 35:2

Ane a na ure ueen taian rereua n taabo nako ao a na anenei kuuna aika a kakukurei. A na kakannato n ai aron te Maunga are Reb'anon, ao ni mimitong kaanga te Maunga are Karemera ke te M'arua are Tiaron. Ane a na bane aomata nako n noora kamimiin mimitongin te UEA ae Atuara.

Itaia 66:14

Kam na kukurei ngkana kam nooria b'a a riki baikai; e na manga waekoa riki okin korakorami nakon te rikiraken te uteute ae e a tib'a bwebwerake. Ao ane a ataia aomata b'a e mena te UEA irouia ana taan m'akuri nako ao e un nakoia ana kairiribai ni kabane.

Ieremia 11:16

N te tai teuana kam riki b'a te kai te kureebe ae e onrake n te uaa. Ma n te tai ae e aki maan ao N na kanako ia taani kakiriwe aika a kakarongoa b'a a na urui m'aangam ma ni kaurarakei n te ai.

Otea 6:3

Ti na karaoa ara kabanea n tamaroa n ukoukora ataakin te UEA. E a bon roko kaanga taai n te ingabong; E na manga kamaiu nanora kaanga te karau ngkana e kabooua te aonnaba i nanon tain tokin te kam'aitoro.

Mataio 13:31

E a manga tuangiia te rongorongo ni kabotau teuana, ao E kangai, Uean te Atua ai aron uaan te m'akeke, are e anaia te aomata ao e unikia i abana.

Ioane 15:1

“Ngai te kai ae te kureebe ni koaua, ao Tamau te tia ribana.

I-Biribi 4:18

Ma a reke b'aai ni kabane i rou, ao a kabatiaki riki au b'ai. A bane n reke i rou baika I kainanoi ngkai a reke i rou b'aai aika e uoti Ebaberorito mai roumi. A riki b'a kanga ai aron te boi ae boiarara ae te karea ae tangiraki, ae E kukurei te Atua iai.