Otea 14:5 - Te B'aib'ara

⁵ N na riki b'a kaanga te aoi ao ane kam na kaurei ueemi kaanga taiani kiebu ao a na riki wakaami b'a kaanga taian aroka.

Otea 14:5 ပူးပေါင်းရင်းမြစ်များ

2.Tamuera 23:4

kaanga ootan taai i nanon bongin te riringa, ke kaanga te karau ae raneanea i aon te uteute.”

2.Uea 19:30

A na riki koraki ake taian nikira ni maiu i aon Iuta b'a kaanga taiani nne n aroka ni kureebe aika a nene wakaaia ma ni kariki uaa.

Iobi 29:19

I riki ngkoa b'a kaanga te aroka aika teimatoa wakaana ni mena i nanon te ran, ao aki toki ni m'aim'ai baana n te aoi.

Taian Areru 133:3

Ai aron te aoi i aon te maunga are Oman, ngkana e ruon aoni maungan Tion. Ao anne te tabo are E tua te kab'aia iai te UEA, ae taekan te maiu ae akea tokina.

Taian Areru 72:16

A bia bati uaa i aon te aba; A bia kirimto uaa i aon tabuki, n ai aron uaan aon Reb'anon. A bia kaonaki nanoni kaawa irouia aomata, n ai aroni kaonan aon te aba n uteute.

Taian Areru 72:6

E bia riki te uea b'a kanga ai aron te karau ae b'aka ni kamaiu kain am'arake, ao ni kam'aim'aa aon te aba.

Taian Areru 80:9

I mwini kakioakinakoaia iroum, ao ti kanenei wakaara iai; Ao e buta aon te aba irouia.

Taian Areru 92:12

A na maiu raoi akana raoiroi kanga ai aroia kaai aika ai aron te ni; A na rikirake kanga ai aroni kain aon Reb'anon.

Taian Areru 92:13

Ai aroia kaai akana unikaki n ana auti te UEA, akana maiureirei n te Tembora ae Um'an Atuara;

Taeka n Rabakau 19:12

E bekorara kaanga te raian te uea ane e unun, ma e riki b'a kaanga te aoi i aon taian uteute, te uea ngkana e kukurei.

Ana Anene Toromon 2:16

Raou ae e tangiraki, Am b'ai ngai, ao au b'ai ngkoe, ngkai ko kaam'arakeia am tiibu i buakon taiani kiebu.

Ana Anene Toromon 4:5

A rangi n tamaroa mmamam; kaanga taian ria aika a bwebwee aika a am'arake i buakon taiani kiebu.

Itaia 12:1

Ko na kaangai n te tai arei. “I kaaitauko te UEA! ko un ngkoa irou, ma e a toki unim ao ko a anganai te mweraoi.

Itaia 18:4

E taku te UEA nako iu. “N na tararikaaki ma te nano ae e rau mani mwengau are i eta kaanga raun taai n te tawanou ke taian nang n te kabuebue n tain te tai.”

Itaia 26:19

A na manga maiu am aomata! Tuangiia b'a a na kiitan ruanimateia ao a na kukurei ni bukamaru ma n takaarua. Ko kabooua te aonnaba kaanga aoin te ingabong; ko anga te maiu nakon te mate.

Itaia 27:6

N te bong teuana ao ane e na nene wakaaia aomatan Iteraera kaanga te kureebe. Ane a na uee ma ni kariki uaa aika a na kaona te aonnaba.

Itaia 35:2

Ane a na ure ueen taian rereua n taabo nako ao a na anenei kuuna aika a kakukurei. A na kakannato n ai aron te Maunga are Reb'anon, ao ni mimitong kaanga te Maunga are Karemera ke te M'arua are Tiaron. Ane a na bane aomata nako n noora kamimiin mimitongin te UEA ae Atuara.

Itaia 44:3

N na kakab'aia te aba ae e m'autakataka ni kanakoa taiani karaanga n ran, N na kakab'aia ami kariki n anganiia Tamneiu

Itaia 45:8

Kam na tuangiia taiani karawa b'a a na karuoa te kaetitaeka ae eti kaanga ai aron te maatim ni karau Katauraoa te aonnaba i bukin bwebweraken m'aakau ni kakamaiu b'a e na karekea te eti are I kariki Ngai ae te UEA.

Itaia 57:18

I a ataa arom! Ma N na kamaiuko, N na kairiko, ao N na anganiko te mweraoi, ni karokoa te tai are a na anene n nebonebo

Itaia 57:19

koraki aika a tang E aoria ngkana ko mena iai, N na kamaiuko Ngai ae te UEA ao N na anganiko te rau.

Ieremia 3:22

N na kaangai nako ia, “Okirai, N na kamaiungkami man ami aki kakaonimaki.” Ao a kaeka ni kaangai, “Ti na okiriko, b'a bon ngkoe ara UEA ao Atuara.

Ieremia 32:41

N na kukurei ni karaoa ae e raoiroi nako ia, ao N na katea aroia b'a a na riki raoi b'a kaain te aba aei ni koaua.

Otea 6:3

Ti na karaoa ara kabanea n tamaroa n ukoukora ataakin te UEA. E a bon roko kaanga taai n te ingabong; E na manga kamaiu nanora kaanga te karau ngkana e kabooua te aonnaba i nanon tain tokin te kam'aitoro.

Mika 5:7

A na riki nikiraia Iteraera ake a maiu ma ni uamaaenako i buakoia botannaomata b'a b'aai ni kamaiu aika a kanakoaki mairoun te UEA n ai aron te aoi ma te karau i aon taian aroka. A na mwioko iroun te Atua, ao tiaki iroun te aomata.

Mika 7:18

Ara UEA bon akea riki n ai arom, te UEA; Ko kab'arai aia bure am aomata ake nikira ni maiu. Ko aki kakamaana unim, ma Ko kukurei riki ni kaota Am tangira ae e teimatoa nakoira.

Mataio 6:28

Ao kam aera ngkai kam iangoi karabami n raraomaeakin? Kam na iangoi aroia kiebun te aba, b'a a kanga n riki rake; a aki m'am'akuri ao a aki bibinoka;

Ruka 12:27

Kam na iangoi aroia kiebu b'a a kanga n riki rake: a aki m'am'akuri ao a aki bibinoka; ao I taku nako imi b'a e bon aki kunnikaiaki Toromon, n ai aron tekaina i buakon aikai, e ngae ngke e kaub'ai.

I-Ebeto 3:17

b'a E na maeka Kristo i nanomi i bukin ami onimaki, ao b'a a na iai wakaami ma aami n te tangira,

Te Tua-Kaua 32:2

N na reireiningkami Iteraera. A na riki au taeka b'a kaanga te maatim ni karau ae b'aka i aon aroka aika uarereke, ke kaanga te aoi i aon taian uteute.